2024 ОНЫ 11 ДҮГЭЭР САРЫН ЭХНИЙ АРАВ ХОНОГИЙН ТОЙМ

Температур: Арав хоногийн агаарын дундаж температур Дархадын хотгор болон томоохон голуудын хөндийгөөр 6.1-11.0 градус, бусад нутгаар 2.3-6.0 градус хүйтэн (1 дүгээр зураг) буюу олон жилийн дундажтай харьцуулахад Ханх сумын нутгаар олон жилийн дунджийн орчим, бусад нутгаар дунджаас 1.9-5.1 градус дулаан байв.   

Нутгийн баруун ба хойд хэсгээр шөнөдөө -12...-22 градус хүйтэн, өдөртөө -9 градус хүйтнээс +4 градус дулаан, бусад нутгаар шөнөдөө -3...-14 градус хүйтэн, өдөртөө -2 градус хүйтнээс +7 градус дулаан байлаа.

Тунадас: 2-нд ихэнх нутгаар 0.0-0.7мм, 6, 8, 10-нд Дархадын хотгороор 0.0-2.0мм, 9-нд зарим нутгаар 0.0-0.6мм цас (2 дугаар зураг) оров. Орсон тунадасыг олон жилийн дундажтай харьцуулахад Ханх, Цагааннуур, Жаргалант, Галт сумдын нутгаар дунджийн орчим буюу түүнээс ахиу, бусад нутгаар олон жилийн дунджаас бага тунадас орсон.

Салхи: Их төлөв баруунаас секундэд 3-10 метр, 2, 9, 10-нд зарим нутгаар түр зуур секундэд 11-14 метр, 9-нд Жаргалантад 21 метр хүрч ширүүсэв.

Цасан бүрхүүл: Арав хоногт нэг удаа хийдэг хээрийн цасны хэмжилтийн мэдээгээр 11 дүгээр сарын 10-ны байдлаар Цагааннуур, Ханх, Цагаан-Үүр, Цэцэрлэг, Галт сумдын нутгаар 0-4 см цастай байв.