2024 ОНЫ 11 ДҮГЭЭР САРЫН СҮҮЛЧИЙН АРАВ ХОНОГИЙН ТОЙМ

Температур: Арав хоногийн агаарын дундаж температур нутгийн баруун болон Жаргалант сумын нутгаар 11.6-18.5 градус, бусад нутгаар 4.7-11.5 градус хүйтэн (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 1.9-9.2 градус дулаан байв.   

Хугацааны дунд үеэр нутгийн баруун ба хойд хэсгээр шөнөдөө -20...-30 градус, өдөртөө -9...-18 градус хүйтэн, бусад нутгаар шөнөдөө -14...-20 градус, өдөртөө -6...-14 градус хүйтэн байсан бол бусад хугацаанд баруун ба хойд хэсгээр шөнөдөө -12...-25 градус, өдөртөө -3...-12 градус хүйтэн, бусад нутгаар шөнөдөө -4...-16 градус хүйтэн, өдөртөө -8 градус хүйтэнээс 6 градус дулаан байв.

Тунадас: 22-нд Цагааннуурт 0.3мм, 23-нд Улаан-Уул, Цагаан-Үүр сумдын нутгаар 0.0мм, 25-нд Цагааннур, Рэнчинлхүмбэ, Цагаан-Уул сумдын нутгаар   0.0-1.0мм цас (2 дугаар зураг) оров. Орсон тунадасыг олон жилийн дундажтай харьцуулахад нийт нутгаар олон жилийн дунджаас бага тунадас орсон.

Салхи: Их төлөв баруунаас секундэд 3-11 метр, арав хоногийн ихэнх хугацаанд  зарим нутгаар түр зуур секундэд 12-21 метр хүрч ширүүсэв.

Цасан бүрхүүл: Арав хоногт нэг удаа хийдэг хээрийн цасны хэмжилтийн мэдээгээр 11 дүгээр сарын 30-ны байдлаар Дархадын хотгор болон Хатгал, Арбулаг, Цэцэрлэг, Жаргалант, Галт, Цагаан-Үүр сумдын нутгаар 1-3 см цастай байна.