2022 оны 8 дугаар сарын сүүлчийн арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 7.6-10.0 градус, бусад нутгаар 10.1-14.0 градус дулаан (1 дүгээр зураг) буюу олон жилийн дундажтай харьцуулахад Ханх, Бүрэнтогтох, Тосонцэнгэл  сумдын нутгаар олон жилийн дунджийн орчим, бусад нутгаар дунджаас 1.1-3.1 градусаар сэрүүн байлаа.

Нутгийн баруун ба хойд хэсгээр шөнөдөө 2 градус хүйтнээс 3 градус дулаан, өдөртөө 12-20 градус дулаан, бусад нутгаар шөнөдөө 2-9 градус, өдөртөө 12-23 градус дулаан байв. 21-нд өдөртөө нийт нутгаар сэрүүн байв.  

Тунадас:  21, 28-нд ихэнх нутгаар 0,0-22,0мм, 22-26, 29-ний өдрүүдэд зарим нутгаар 0,0-4,0мм хур тунадас оров. (2 дугаар зураг) Орсон тунадасыг олон жилийн дундажтай харьцуулахад Хатгал, Алаг-Эрдэнэ, Түнэл, Чандмань-Өндөр, Цагаан-Үүр, Жаргалант сумын нутгаар дунджийн орчим, бусад нутгаар дунджаас бага тунадас орсон.

Салхи: Их төлөв баруун болон баруун хойноос 3-16м/с, зарим нутгаар үе үе 11-22м/с хүрч ширүүсэв.

Зуншлагын байдал: 8 дугаар сарын 31-ний байдлаар нийт нутгаар зуншлагын байдал сайн (3 дугаар зураг) байна.