2024 оны 8 дугаар сарын сүүлчийн арав хоногийн цаг агаарын нөхцөлийн тойм

Температур: Арав хоногийн агаарын дундаж температур нутгийн баруун болон хойд хэсэг мөн Шинэ-Идэр сумын нутгаар 12.7-16.0 градус, бусад нутгаар 16.1-19.6 градус дулаан (1 дүгээр зураг) буюу олон жилийн дундажтай харьцуулахад нийт нутгаар 1.9-5.4 градусаар дулаан байлаа.     

Нутгийн баруун болон хойд хэсгээр шөнөдөө +4...+10 градус, өдөртөө +18...+25 градус, бусад нутгаар шөнөдөө +8...+12 градус, өдөртөө +22...+29 градус дулаан байсан бол 30-наас нийт нутгаар сэрүүсэж нутгийн баруун болон хойд хэсгээр шөнөдөө +2...+6 градус, өдөртөө +12...+18 градус, бусад нутгаар шөнөдөө +5...+11 градус, өдөртөө +15...+23 градус дулаан байлаа.

Тунадас: 21, 25, 27, 28, 29, 31-нд зарим нутгаар 0.0-11.0мм, 22, 23-нд  ихэнх нутгаар 0.0-44.0мм, 30-нд нийт нутгаар 0.0-6.0мм бороо, аадар бороо          (2 дугаар зураг) оров. Орсон тунадасыг олон жилийн дундажтай харьцуулахад Цагааннуур, Арбулаг, Цагаан-Уул, Шинэ-Идэр, Рашаант, Тариалан сумдын нутгаар дунджийн орчим буюу түүнээс ахиу, бусад нутгаар дунджаас бага тунадас орсон.

Салхи: Ихэнх хугацаанд баруун, баруун өмнөөс секундэд 2-11 метр, зарим нутгаар борооны өмнө түр зуур секундэд 12-20 метр хүрч ширүүсэв.

Бэлчээрийн ургамал: 8 дугаар сарын 31-ний байдлаар зуншлагын байдал Баянзүрх, Хатгал, Жаргалант сумдын нутгаар дунд, бусад нутгаар сайн          (3 дугаар зураг) байна.