2024 оны 5 дугаар сарын сүүлчийн арав хоногийн цаг агаарын нөхцөлийн тойм

Температур: Арав хоногийн агаарын дундаж температур нутгийн баруун болон хойд хэсэг мөн Цагаан-Үүр, Эрдэнэбулган, Шинэ-Идэр сумдын нутгаар   8.9-13.5 градус, бусад нутгаар 13.6-17.7 градус дулаан (1 дүгээр зураг) буюу олон жилийн дундажтай харьцуулахад нийт нутгаар 1.1-4.8 градусаар дулаан байлаа.

Нутгийн баруун ба хойд хэсгээр шөнөдөө -2 градус хүйтнээс +9 градус дулаан, өдөртөө +16...+23 градус, бусад нутгаар шөнөдөө +4...+12 градус, өдөртөө +18...+30 градус дулаан байлаа.

Тунадас: 22, 27-нд нийт нутгаар 0.0-19.0мм, 23, 24, 28-нд ихэнх нутгаар 0.0-11.0мм, бусад хугацаанд зарим газраар 0.0-13.0мм бороо, аадар бороо         (2 дугаар зураг) оров. Орсон тунадасыг олон жилийн дундажтай харьцуулахад Рэнчинлхүмбэ, Баянзүрх, Цэцэрлэг, Арбулаг, Мөрөн сумдын нутгаар дунджаас бага, бусад нутгаар дунджийн орчим буюу түүнээс ахиу тунадас орсон.

Салхи: Их төлөв баруун хойноос секундэд 4-10 метр, зарим нутгаар борооны өмнө түр зуур 13-24 м/с хүрч ширүүсэв.

Бэлчээрийн ургамал: 5 дугаар сарын 31-ний байдлаар Мөрөн, Чандмань-Өндөр сумдын нутгаар бэлчээрийн ургамлын ургалтын байдал дунд буюу ургалт удааширч гандах төлөвтэй болсон, бусад нутгаар ургалт хэвийн (3 дугаар зураг) байна.