2024 оны 10 дугаар сарын дунд арав хоногийн цаг агаарын нөхцөлийн тойм

Температур: Арав хоногийн агаарын дундаж температур нутгийн баруун болон хойд хэсгээр 1.0 градус дулаанаас 2.2 градус хүйтэн, бусад нутгаар 1.1-3.4 градус дулаан (1 дүгээр зураг) буюу олон жилийн дундажтай харьцуулахад Ханх, Цагаан-Үүр, Эрдэнэбулган, Тариалан сумдын нутгаар дунджийн орчим, бусад нутгаар  олон жилийн дунджаас 1.3-3.2 градус дулаан байлаа.   

Арав хоногийн эхээр нийт нутгаар дулаан байсан бол 14-нөөс сэрүүсч нутгийн баруун ба хойд хэсгээр шөнөдөө -2...-16 градус хүйтэн, өдөртөө -3...+6 градус, бусад нутгаар шөнөдөө -2...-11 градус хүйтэн, өдөртөө 0...+10 градус дулаан байлаа.

Тунадас: 13, 14, 15, 16, 19-нд зарим нутгаар 0.0-5.0 мм,  20-нд нийт нутгаар 0.0-10.0 мм хур тунадас, нойтон цас, цас (2 дугаар зураг) оров. Орсон тунадасыг олон жилийн дундажтай харьцуулахад Цагааннуур, Шинэ-Идэр сумдын нутгаар дунджаас бага, бусад нутгаар олон жилийн дунджийн орчим буюу түүнээс ахиу тунадас орсон.

Салхи: Их төлөв баруунаас секундэд 6-11 метр, 11, 12, 13, 14, 17-нд зарим нутгаар, 20-нд Хатгалд түр зуур секундэд 11-17 метр хүрч ширүүсэв.

Цасан бүрхүүл: Арав хоногт нэг удаа хийдэг хээрийн цасны хэмжилтийн мэдээгээр 10 дугаар сарын 20-ны байдлаар ихэнх нутгаар 1-8 см зузаан цастай байв.