2022 оны 12 дугаар сарын эхний арав хоногийн тойм

Температур: Арав хоногийн агаарын дундаж температур Дархадын хотгор болон  Тэс, Үүр, Эгийн голын хөндийгөөр 26.1-37.5 градус, бусад нутгаар 16.6-26.0 градус хүйтэн (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 1.9-11.0 градусаар хүйтэн байлаа.

Дархадын хотгороор шөнөдөө -34...-42 градус, өдөртөө -24...-35 градус, томоохон голуудын хөндийгөөр шөнөдөө -26...-38 градус, өдөртөө -20...-26 градус, бусад нутгаар шөнөдөө -20...-28 градус хүйтэн, өдөртөө  -13…-20 градус хүйтэн байв.

Тунадас: 2-нд Цагааннуурт 0.4мм цас орсон, бусад нутгаар цас (2 дугаар зураг) ороогүй.

Салхи: Баруунаас 2-14м/с, 1, 2-нд зарим нутгаар үе үе 12-17м/с хүрч ширүүсэв.

Цасан бүрхүүл: 12 дугаар сарын 10-ны байдлаар цасны дундаж зузаан өндөрлөг уулсаар 20см-ээс их, Чандмань-Өндөр, Цагаан-Үүр сумдын нутгаар 10-15см, нягт нь 0,12-0,13гр/см³, нутгийн баруун болон хойд, зүүн хойд хэсгээр 6-10 см, бусад нутгаар 1-5см цастай, Баянзүрх, Цагаан-Уул, Бүрэнтогтох, Шинэ-Идэр, Төмөрбулаг сумдын төвөөр цасгүй (3 дугаар зураг) байна.