Хөвсгөл аймгийн нутгаар урсах судалгаатай томоохон гол мөрнүүдийн 2024 оны 9 дүгээр сарын 2-р арав хоногийн усны түвшний тойм мэдээ

Хөвсгөл аймгийн УЦУОШТ-ийн ус судлалын харуулуудын ажиглалтын цэгийн мэдээгээр:

9 дүгээр сарын 2-р арав хоногт ихэнх гол мөрний усны түвшин хоногт хэлбэлзэлгүй хэвийн байв.

        Хангайн нуруунаас усжих Идэр гол, Хөвсгөлийн уулсаас усжих Дэлгэрмөрөн голын бэлчир буюу олон голын бэлчирээс эхлэн Сэлэнгэ мөрөн хэмээн нэрлэгдэх Сэлэнгэ голын усны түвшин Тосонцэнгэл сумын Тээл баг орчимд хоногт бараг өөрчлөлтгүй  байсан бөгөөд 10 хоногийн турш 9 дүгээр сарын дундаж түвшнээс 10-20 см-ээр бага байв.

        Хангайн нуруунаас усжих Идэр голын усны түвшин Галт сумын Зүрх баг орчимд хоногт 0-5 см-ээр хэлбэлзэж байсан бөгөөд хугацааны турш дундаж түвшнээс 15-20 см-ээр бага байв.

     Хөвсгөл нуураас эх авсан Эг голын усны түвшин Хатгал тосгон орчимд хоногт 0-5 см-ээр хэлбэлзэж байсан бөгөөд 10 хоногийн турш дунджаас 5 см-ээр бага байв. Харин Эрдэнэбулган сум орчимд усны түвшин хоногт өөрчлөлтгүй хэвийн байсан бөгөөд 10 хоногийн турш дунджаас 5 см-ээр бага байв.

      Хөвсгөлийн уулсаас эх авсан дараах голуудын хувьд:

• Дэлгэрмөрөн голын усны түвшин Мөрөн сум Хилэнтийн гүүр орчимд хоногт хэлбэлзэлгүй хэвийн байсан бөгөөд 10 хоногийн дунджийн турш 9 дүгээр сарын дундаж түвшнээс 25-30 см-ээр бага байв.
• Үүр голын усны түвшин Цагаан-Үүр сумын төмөр бетонон гүүр орчимд хоногт 5-10 см-ээр хэлбэлзэж байв.
• Бэлтэс голын усны түвшин Баянзүрх сумын төв орчимд хоногт өөрчлөлтгүй хэвийн байсан  бөгөөд хугацааны турш 9 дүгээр сарын дунджаас 10-15 см-ээр бага байв.
• Бүгсий голын усны түвшин Төмөрбулаг сумын төв орчимд хоногт хэлбэлзэлгүй хэвийн байсан бөгөөд хугацааны турш дунджийн орчим байв.
• Шишхэд голын усны түвшин Рэнчинлхүмбэ сум орчимд хоногт өөрчлөлтгүй байсан бөгөөд 10 хоногийн турш 9 дүгээр сарын дунджаас 40-45 см-ээр бага байв.

         Томоохон гол мөрнүүдийн сав дагуу нутаглаж байгаа нийт ард иргэд болон малчид, тээвэрчдийн анхааралд болзошгүй үер усны аюулаас сэрэмжтэй байхыг анхааруулж, нуурын мөсөн дээгүүр явахгүй байж баталгаат зам, гүүр, гармаар зорчихыг байхыг зөвлөж байна.                                                                     

        ХӨВСГӨЛ  УЦУОШТ,  УС СУДЛАЛЫН ӨРТӨӨ