2020 оны 01 дүгээр сарын дунд арав хоногийн тойм

2020 оны 01 дүгээр сарын дунд арав хоногийн тойм

Температур: Арав хоногийн агаарын дундаж температур Дархадын хотгор, Эрдэнэбулган, Цагаан-Үүр орчмоор 28,4-33,2 градус, бусад нутгаар 17,4-27,7 градус хүйтэн /1 дүгээр зураг/ байлаа. Шинэ-Идэр, Тариалан, Алаг-Эрдэнэ, Арбулаг, Их-Уул сумдын нутгаар ОЖД /олон жилийн дундаж/-аас 1,2-3,1 градус хүйтэн, Цагаан-Уул, Төмөрбулаг, Түнэл, Улаан-Уул сумдын нутгаар ОЖД-аас 0,9-2,2 градус дулаан байв.

Дархадын хотгороор шөнөдөө 35-40 градус, өдөртөө 25-31 градус, Идэр, Тэс, Бэлтэс, Эг, Үүрийн голуудын хөндийгөөр шөнөдөө 30-38 градус, өдөртөө 18-28 градус, бусад нутгаар шөнөдөө 22-30 градус, өдөртөө 13-20 градус хүйтэн байсан бол 18-наас ихэнх нутгаар хүйтний эрч эрс сулрав.

Тунадас: 17-нд зарим нутгаар 0.0-0.5 мм, 18,20-нд Цэцэрлэгт 0,2-1,0 мм цас орсон. /2 дугаар зураг/.

Салхи: 13-наас 16-нд нийт нутгаар 1-6 м/с, бусад хугацаанд ихэнх нутгаар 5-10 м/с. 17, 19-нд зарим, 18-нд ихэнх нутгаар үе үе  12-18 м/с хүрч ширүүсэв.

Цасан бүрхүүл: 2020 оны 01 дүгээр сарын 20-ны байдлаар зудын байдалд үнэлгээ хийхэд Цэцэрлэг, Шинэ-Идэр, Жаргалант, Галт сумдын нутагт цасны нягт 0,11-0,30 г/см³ хатуурсан зузаан цастайн улмаас “цагаан зуд”ын нөхцөл бүрдсэн бол Их-Уул сумаар 0,22 г/см³ нягтарч хатуурсан зузаан цастай “цагаанаар зудархуу” мөн эдгээр сумдын нутгаар ажиглалтын талбайд цасны дундаж зузаан 11-18 см байна. Бусад нутгаар ажиглалтын талбайд 2-10 см цасан бүрхүүлтэй, Ханх сумын төвөөр цасгүй /3 дугаар зураг/ байна.

                                 ​