2024 оны 4 дүгээр сарын дунд арав хоногийн цаг агаарын нөхцлийн тойм

2024 оны 4 дүгээр сарын дунд арав хоногийн

цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсэг мөн Шинэ-Идэр сумын нутгаар 0.3-5.0 градус, бусад нутгаар 5.1-9.5 градус дулаан (1 дүгээр зураг) буюу олон жилийн дундажтай харьцуулахад нийт нутгаар дунджаас 3.0-5.3 градусаар дулаан байлаа.

Агаарын температур нийт нутгаар шөнөдөө -2...-9 градус хүйтэн, өдөртөө +5...+19 градус дулаан байсан ба хугацааны эцсээр нийт нутгаар бага зэрэг сэрүүссэн.

Тунадас: 11, 12, 17, 20-нд ихэнх нутгаар 0.0-6.0мм, 13-нд бүх нутгаар 0.0-12.0мм, 18-нд зарим газраар 0.0-2.0мм хур тунадас  (2 дугаар зураг) оров. Орсон тунадасыг олон жилийн дундажтай харьцуулахад ихэнх нутгаар олон жилийн дунджаас ахиу, Ханх, Хатгал, Алаг-Эрдэнэ, Тосонцэнгэл, Их-Уул сумдын нутгаар дунджаас бага, Төмөрбулаг суманд дунджийн орчим тунадас орсон.

Салхи: Их төлөв баруунаас секундэд 3-10 метр, 18-нд салхи тогтуун байсан бол 14,15-нд зарим нутгаар 10-14м/с, бусад хугацаанд ихэнх нутгаар үе үе 11-23м/с хүрч ширүүсэв.

Бэлчээрийн ургамал: 4 дүгээр сарын 20-ны байдлаар нутгийн зүүн болон өмнөд, баруун өмнөд хэсгээр бэлчээрийн ургамал цухуйсан, бусад нутгаар цухуйлтггүй (3 дугаар зураг) байна.