Улирлын төлөв

2024 ОНЫ 07 ДУГААР САРААС 09 ДҮГЭЭР САРУУДЫН УРЬДЧИЛСАН ТӨЛӨВ

ТАНЫ АНХААРАЛД

Ус, Цаг Уур, Орчны Судалгаа Мэдээллийн Хүрээлэн (УЦУОСМХ)-ийн Цаг агаар орчны тоон загварчлал судалгааны хэлтэс (ЦАОТЗСХ)-ээс 2024 оны 7 дугаар сараас 9 дүгээр саруудын урьдчилсан төлөвийг тооцоолон танд хүргэж байна.

Дэлхийн Цаг Уурын Байгууллага (ДЦУБ)–аас тогтоосноор олон жилийн дундаж (ОЖД) утга гэдэгт 1991–2020 оны хоорондох тухайн цаг уурын хэмжигдэхүүний дундаж утгыг авч үздэг.

Улирлын төлөвийн талаар лавлах шаардлагатай бол УЦУОСМХ–ийн 11–326606 утсаар холбогдох болон тус хүрээлэнгийн ЦАОТЗСХ-ээс тодруулах боломжтой.

УУР АМЬСГАЛЫН ТОЙМ БА ЦАГ АГААРЫН УРЬДЧИЛСАН ТӨЛӨВ

Долдугаар сард. Сарын дундаж агаарын температур ОЖД-аар нутгийн баруун ба хойд хэсгээр +8...+14°С, бусад нутгаар +14...+20°С дулаан байдаг (Зураг 1а). 2024 оны 7 дугаар сарын агаарын дундаж температур аймгийн нутгаар ОЖД–ийн орчим байх төлөвтэй байна (Зураг 1б).

Сарын нийлбэр хур тунадас ОЖД-аар аймгийн нутгаар 70–100 мм бороо ордог (Зураг 2а). 2024 оны 7 дугаар сарын нийлбэр хур тунадас нутгийн зүүн хэсгээр ОЖД-ийн орчим, бусад нутгаар ОЖД–аас ахиу байх төлөвтэй байна (Зураг 2б).

Наймдугаар сард. Сарын дундаж агаарын температур ОЖД-аар нутгийн баруун ба хойд хэсгээр 8...12°С, бусад нутгаар 12...20°С дулаан байдаг (Зураг 3а). 2024 оны 8 дугаар сарын агаарын дундаж температур аймгийн нутгаар ОЖД–аас дулаан байх төлөвтэй байна (Зураг 3б).

Сарын нийлбэр хур тунадас ОЖД-аар аймгийн нутгаар 60–100 мм бороо ордог (Зураг 4а). 2024 оны 8 дугаар сарын нийлбэр хур тунадас нийт нутгаар ОЖД–ийн орчим байх төлөвтэй байна (Зураг 4б). 

Есдүгээр сард. Сарын дундаж агаарын температур ОЖД-аар нутгийн баруун ба хойд хэсгээр 0...5°С, бусад нутгаар 5...10°С дулаан байдаг (Зураг 5а). 2024 оны 9 дүгээр сарын агаарын дундаж температур аймгийн нутгаар ОЖД–ийн орчим байх төлөвтэй байна (Зураг 5б).

Сарын нийлбэр хур тунадас ОЖД-аар нутгийн хойд хэсгээр 25–40 мм , бусад нутгаар 10-25 мм бороо ордог (Зураг 6а). 2024 оны 9 дүгээр сарын нийлбэр хур тунадас нийт нутгаар ОЖД–ийн орчим байх төлөвтэй байна (Зураг 6б). 

ЗӨВЛӨМЖ

            Агаарын дундаж температур: 7 болон 9 дүгээр сард нийт нутгаар ОЖД–ийн орчим, 8 дугаар сард ОЖД-аас дулаан байх төлөвтэй байна.

            Хур тунадас: 8 болон 9 дүгээр сард ОЖД–ийн орчим, 7 сард аймгийн ихэнх нутгаар ОЖД–аас ахиу байх төлөвтэй.

            Хур тунадас ахиу орох төлөвтэй байгаа нутгуудад гэнэтийн ус ихтэй аадар бороо орох, голын усны түвшин нэмэгдэх зэрэг болзошгүй аюулаас сэрэмжтэй байж, тухайн үеийн нарийвчилсан урьдчилсан мэдээг цаг тухай бүрт нь авч ажлаа төлөвлөхийг зөвлөж байна.