Улирлын төлөв

2025 ОНЫ 01 ДҮГЭЭР САРААС 2025 ОНЫ 03 ДУГААР САРУУДЫН УРЬДЧИЛСАН ТӨЛӨВ

ТАНЫ АНХААРАЛД

Ус Цаг Уур, Орчны Судалгаа, Мэдээллийн Хүрээлэн (УЦУОСМХ)-ийн Цаг агаар, Орчны, Тоон загварчлал, Судалгааны Хэлтэс (ЦАОТЗСХ)-ээс 2025 оны 1 дүгээр сараас 2025 оны 3 дугаар сар хүртэлх урьдчилсан төлөвийг тооцоолон танд хүргэж байна.

Дэлхийн Цаг Уурын Байгууллага (ДЦУБ)–аас тогтоосноор олон жилийн дундаж (ОЖД) утга гэдэгт 1991–2020 оны хоорондох тухайн цаг уурын хэмжигдэхүүний дундаж утгыг авч үздэг.

Улирлын төлөвийн талаар лавлах шаардлагатай бол УЦУОСМХ–ийн 11–326606 утсаар холбогдох болон тус хүрээлэнгийн ЦАОТЗСХ-ээс тодруулах боломжтой.

УУР АМЬСГАЛЫН ТОЙМ БА ЦАГ АГААРЫН УРЬДЧИЛСАН ТӨЛӨВ

Нэгдүгээр сард. Сарын дундаж агаарын температур ОЖД-аар нутгийн зүүн өмнөд хэсгээр -17...-25°С, бусад нутгаар -26...-32°С хүйтэн байдаг (Зураг 1а). 2025 оны 01 дүгээр сарын агаарын дундаж температур аймгийн нутгаар ОЖД–аас хүйтэн байх төлөвтэй байна (Зураг 1б).

Сарын нийлбэр хур тунадас ОЖД-аар нутгийн хойд хэсгээр 2-4 мм, бусад нутгаар 0–2 мм цас ордог (Зураг 2а). 2025 оны 01 дүгээр сарын нийлбэр хур тунадас нийт нутгаар ОЖД–аас ахиу байх төлөвтэй байна (Зураг 2б). 

Хоёрдугаар сард. Сарын дундаж агаарын температур ОЖД-аар нутгийн баруун ба хойд хэсгээр -22...-28°С, бусад нутгаар -14...-22°С хүйтэн байдаг (Зураг 3а). 2025 оны 2 дугаар сарын агаарын дундаж температур аймгийн нутгаар ОЖД–аас хүйтэн байх төлөвтэй байна (Зураг 3б).

Сарын нийлбэр хур тунадас ОЖД-аар нутгийн хойд хэсгээр 2-4 мм, бусад нутгаар 0–2 мм цас ордог (Зураг 4а). 2025 оны 2 дугаар сарын нийлбэр хур тунадас Цэцэрлэг орчмоор ОЖД-аас ахиу, бусад нутгаар ОЖД–ийн орчим байх төлөвтэй байна (Зураг 4б). 

Гуравдугаар сард. Сарын дундаж агаарын температур ОЖД-аар нутгийн баруу ба хойд хэсгээр -14...-18°С, бусад нутгаар -6...-14°С хүйтэн байдаг (Зураг 5а). 2025 оны 3 дугаар сарын агаарын дундаж температур аймгийн нутгаар ОЖД–ийн орчим байх төлөвтэй байна (Зураг 5б).

Сарын нийлбэр хур тунадас ОЖД-аар нутгийн баруун ба хойд хэсгээр 4-6 мм, бусад нутгаар 0-4 мм цас ордог (Зураг 6а). 2025 оны 3 дугаар сарын нийлбэр хур тунадас нийт нутгаар ОЖД–ийн орчим байх төлөвтэй байна (Зураг 6б). 

ЗӨВЛӨМЖ

Агаарын температур нэг болон хоёрдугаар саруудад нийт нутгаар ОЖД–аас хүйтэн, хур тунадас нэгдүгээр сард нийт нутгаар, хоёрдугаар сард Цэцэрлэг орчмоор ОЖД–аас ахиу байх төлөвтэй байна. Харин 3 дугаар сард агаарын температур болон хур тунадас нийт нутгаар дунджийн орчим байна. Өвлийн саруудад олон жилийн дунджаас хүйтэн, хур тунадас ахиу орох төлөв ажиглагдаж байгаа тул өвлийн бэлтгэлээ эртнээс базаах, цаг агаарын аюулт болон гамшигт үзэгдлээс урьдчилан сэргийлэхийн тулд өдөр бүрийн цаг агаарын мэдээг хүлээн авч ашиглахыг зөвлөж байна.

УС ЦАГ УУР, ОРЧНЫ СУДАЛГАА, МЭДЭЭЛЛИЙН ХҮРЭЭЛЭН

ЦАГ АГААР, ОРЧНЫ ТООН ЗАГВАРЧЛАЛ, СУДАЛГААНЫ ХЭЛТЭС

ХӨВСГӨЛ АЙМГИЙН УС ЦАГ УУР ОРЧНЫ ШИНЖИЛГЭЭНИЙ ТӨВ