Цаг уурын мэдээ > Хөдөө аж ахуйн цаг уурын тойм
2022 оны 6 дугаар сарын сүүлчийн арав хоногийн тойм
Температур: Арав хоногийн агаарын дундаж температур нутгийн баруун болон хойд хэсгээр 13.5-19.5 градус, бусад нутгаар 19.6-24.7 градус дулаан (1 дүгээр зураг) буюу нийт нутгаар олон жилийн дунджаас 2.3-6.1 градусаар дулаан байлаа.
Нутгийн баруун ба хойд хэсгээр шөнөдөө 5-13 градус, өдөртөө 18-31 градус, бусад нутгаар шөнөдөө 6-19 градус, өдөртөө 22-35 градус дулаан байв. 28-нд ихэнх нутгаар 30-35 градус хүрч халав.
Тунадас: 21, 22, 24, 29-нд ихэнх нутгаар 0.0-24.6мм, 23-нд Ханхад 1.0мм, 25, 30-нд зарим нутгаар 0.0-6.0мм, 26-нд 0.9мм, 27-нд Цэцэрлэг, Эрдэнэбулганд 0.0-0.1мм, 28-нд Хатгал, Баянзүрх, Түнэлд 0.0-5.0мм бороо, аадар бороо оров. Дуу цахилгаантай. Орсон тунадасыг олон жилийн дундажтай харьцуулахад Рэнчинлхүмбэ, Хатгал, Түнэл, Ханх сумдын нутгаар дунджийн орчим, бусад нутгаар дунджаас бага тунадас (2 дугаар зураг) орсон.
Салхи: Ихэнх хугацаанд нийт нутгаар баруун хойноос 0-14м/с, 26, 27-нд 1-9м/с, зарим нутгаар борооны өмнө түр зуур 12-22м/с хүрч ширүүсэв.
Зуншлагын байдал: 6 дугаар сарын 25-ны байдлаар бэлчээрийн ургамлын ургац нутгийн зүүн хойд хэсгээр 4,5-7,2ц/га, бусад нутгаар 0,3-4,0ц/га байна.
6 дугаар сарын 30-ны байдлаар ихэнх нутгаар зуншлагын байдал сайн, Хатгал сумын зарим багийн нутгаар дунд (3 дугаар зураг) байна.