Цаг уурын мэдээ > Хөдөө аж ахуйн цаг уурын тойм
2024 оны 6 дугаар сарын дунд арав хоногийн цаг агаарын нөхцөлийн тойм
![](/images/blank.gif)
![](/images/blank.gif)
2024 оны 6 дугаар сарын дунд арав хоногийн цаг агаарын нөхцөлийн тойм
Температур: Арав хоногийн агаарын дундаж температур нутгийн баруун болон хойд хэсэг мөн Цагаан-Үүр, Шинэ-Идэр, Жаргалант сумдын нутгаар 11.9-16.2 градус, бусад нутгаар 16.3-20.5 градус дулаан (1 дүгээр зураг) буюу олон жилийн дундажтай харьцуулахад Эрдэнэбулган суманд дунджийн орчим, бусад нутгаар 1.1-5.3 градусаар дулаан байлаа.
Нутгийн баруун ба хойд хэсгээр шөнөдөө 0 градус хүйтнээс +6 градус дулаан, өдөртөө +24...+27 градус, бусад нутгаар шөнөдөө +7...+10 градус, өдөртөө +24...+32 градус дулаан байлаа.
Тунадас: 17-нд ихэнх нутгаар 0.0-9.0мм, 18,19,20-нд нийт нутгаар 3.5-40.0мм, бусад хугацаанд зарим газраар 0.0-3.0мм бороо, аадар бороо (2 дугаар зураг) оров. Орсон тунадасыг олон жилийн дундажтай харьцуулахад Цагаан-Үүр, Шинэ-Идэр, Жаргалант, Цагаан-Уул сумдын нутгаар дунджаас ахиу, Эрдэнэбулган, Ренчинлхүмбэ, Цэцэрлэг, Тариалан, Мөрөн, Түнэл, Ханх дунджийн орчим, бусад нутгаар дунджаас бага тунадас орсон.
Салхи: Их төлөв баруун хойноос секундэд 5-11 метр, зарим нутгаар борооны өмнө түр зуур 14-20 м/с хүрч ширүүсэв.
Бэлчээрийн ургамал: 6 дугаар сарын 20-ны байдлаар Мөрөн, Жаргалант, Ренчинлхүмбэ, Цэцэрлэг, Тариалан, Мөрөн, Хатгал, Цагааннуур зэрэг сумдын нутгаар бэлчээрийн ургамлын ургалтын байдал дунд буюу ургалт удааширч гандах төлөвтэй болсон, бусад нутгаар ургалт хэвийн (3 дугаар зураг) байна.