2023 оны 11 дүгээр сарын эхний арав хоногийн цаг агаарын нөхцлийн тойм

2023 оны 11 дүгээр сарын эхний арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр -9.5...-16.1 градус, бусад нутгаар -6.2...-9.4 градус хүйтэн (зураг 1) буюу олон жилийн дундажтай харьцуулахад Улаан-Уул, Баянзүрх, Алаг-Эрдэнэ, Арбулаг, Бүрэнтогтох, Чандмань-Өндөр, Их-Уул, Тосонцэнгэл, Төмөрбулаг сумуудаар олон жилийн дунджийн орчим бусад нутгаар олон жилийн дунджаас -1.6...-3.5 градусаар хүйтэн байлаа. Хугацааны эцсээр нийт нутгаар эрс хүйтэрч, шөнөдөө -12...-26 градус, өдөртөө 0...-17 градус, бусад хугацаанд нутгийн баруун ба хойд хэсгээр шөнөдөө -2...-16 градус хүйтэн, өдөртөө +8...-5 градус хүйтэн, бусад нутгаар шөнөдөө +1...-13 градус хүйтэн, өдөртөө 0...+12 градус дулаан байв.

Тунадас: Цагаан-Үүрт 24.1 мм, Жаргалантад 16.7 мм бусад нутгаар 0.0-8.3 мм тунадас орсон бол Бүрэнтогтох суманд тунадас ороогүй.(зураг 2) Орсон тунадасыг олон жилийн дундажтай харьцуулахад Их-Уул, Тосонцэнгэл, Түнэл, Ханх, Чандмань-Өндөр олон жилийн дунджаас бага, бусад нутгаар олон жилийн дунджаас ахиу тунадас орсон байна. 05-нд цас ороогүй, бусад хугацаанд зарим нутгаар 0.0-16 мм цас оров. 06,07-нд ихэнх нутгаар 0.0-10.0 мм, 08-нд зарим нутгаар 0.0-0.2 мм цас оров.

Салхи: Их төлөв баруунаас 3-12 м/с, зарим нутгаар түр зуур 12-15 м/с хүрч ширүүсэн явган болон цасан шуурга шуурав. 06,07-нд баруунаас 4-10м/с, зарим нутгаар түр зуур 12-14 м/с хүрч ширүүсэн явган болон цасан шуурга шуурав. Бусад хугацаанд баруунаас 2-7м/с байв.

Цасан бүрхүүл: 11 дүгээр сарын 10-ны байдлаар Цагаан-Үүр, Эрдэнэбулган, Жаргалант, Цэцэрлэг, Рэнчинлхүмбэ сумдын нутгаар 9-19 см зузаан, цасны нягт нь 0.11-0.21гр/см3 байсан. Галт, Шинэ-Идэр, Баянзүрх, Улаан-Уул, Хатгал, Ханх, Чандмань-Өндөр, Түнэл, Тариалан, Рашаант сумдаар 0-4 см цастай бусад нутгаар цасан бүрхүүлгүй байв. (зураг 3)