2024 оны 8 дугаар сарын дунд арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр 14.4-17.5 градус, бусад нутгаар 17.6-20.9 градус дулаан       (1 дүгээр зураг) буюу олон жилийн дундажтай харьцуулахад нийт нутгаар 2.4-5.0 градусаар дулаан байлаа.     

Нутгийн баруун ба хойд хэсгээр шөнөдөө +2...+12 градус, өдөртөө +14...+25 градус, бусад нутгаар шөнөдөө +9...+16 градус, өдөртөө +23...+28 градус дулаан байсан бол хугацааны сүүлчээр өдөртөө нийт нутгаар халав.

Тунадас:, 11, 15, 20-нд зарим нутгаар 0,0-7,0мм, 12, 14-нд ихэнх нутгаар 0,0-23,6мм, 13-нд нийт нутгаар 0,6-23,8мм, 16-нд Тариалан 0,0мм, 17-нд Шинэ-Идэрт 0,1мм дуу цахилгаантай аадар бороо, бороо (2 дугаар зураг) оров. Орсон тунадасыг олон жилийн дундажтай харьцуулахад Ханх, Алаг-Эрдэнэ, Цэцэрлэг, Бүрэнтогтох, Шинэ-Идэр, Жаргалант, Галт, Тосонцэнгэл, Тариалан сумдын нутгаар дунджаас бага, бусад нутгаар дунджийн орчим буюу түүнээс ахиу тунадас орсон.

Салхи: Их төлөв баруун, баруун хойноос секундэд 0-9 метр, 11, 12, 14, 20-нд зарим нутгаар борооны өмнө үе үе секундэд 12-15 метр хүрч ширүүсэв.

Бэлчээрийн ургамал: 8 дугаар сарын 20-ны байдлаар зуншлагын байдал Баянзүрх, Хатгал, Жаргалант сумдын нутгаар дунд, бусад нутгаар сайн           (3 дугаар зураг) байна.