2024 оны 2 дугаар сарын сүүлчийн арав хоногийн цаг агаарын нөхцлийн тойм

Температур: Арав хоногийн агаарын дундаж температур Дархадын хотгор болон Баянзүрх, Цэцэрлэг, Жаргалант сумдын нутгаар -25.1...-31.6 градус, бусад нутгаар -18.6...-25.0 градус хүйтэн (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас -3.0...-9.8 градусаар хүйтэн байлаа.

Хугацааны  эхээр Дархадын хотгор, томоохон голуудын хөндийгөөр  шөнөдөө -34...-45 градус, өдөртөө -18...-24 градус, бусад нутгаар шөнөдөө -25...-38 градус, өдөртөө -12...-22 градус хүйтэн байсан бол хугацааны эцсээр Дархадын хотгор, томоохон голуудын хөндийгөөр шөнөдөө -24...-36 градус, өдөртөө -16...-23 градус, бусад нутгаар шөнөдөө -22...-30 градус, өдөртөө -8...-15 градус хүйтэн байв. Нийт сумдын нутгаар 1-9 хоног -30 градусыг давж хүйтэрчээ.

Тунадас: 25, 27-нд зарим нутгаар 0.0-0.6мм, 26-нд ихэнх нутгаар 0.0-1.0мм цас (2 дугаар зураг) орлоо. Орсон тунадасыг олон жилийн дундажтай харьцуулахад Баянзүрх, Алаг-Эрдэнэ, Мөрөн, Түнэл, Тариалан сумдын нутгаар олон жилийн дунджаас ахиу, Рэнчинлхүмбэ, Цагаан-Үүр сумдын нутгаар дунджийн орчим, бусад нутгаар дунджаас бага тунадас оров.

Салхи: Их төлөв баруунаас 1-9м/с. 26-нд Жаргалант, 28, 29-нд зарим нутгаар үе үе 11-13м/с хүрч ширүүсэн явган шуурга шуурав.

Цасан бүрхүүл: Арав хоногт нэг удаа хийдэг хээрийн цасны хэмжилтийн мэдээгээр 2 дугаар сарын 29-ний байдлаар Дархадын хотгор, Цагаан-Үүр, Цэцэрлэг,  Жаргалант, Шинэ-Идэр, Галт сумдын нутаг, Цагаан-Уул, Баянзүрх, Бүрэнтогтох, Рашаант сумдын зарим багийн нутгаар 20,1-53,0 см, цасны нягт нь 0.14-0.45гр/см³, бусад нутгаар 1-20 см, цасны нягт нь 0.10-0.29гр/см³ (3 дугаар зураг) байна.

2 дугаар сарын сүүлчийн арав хоногийн байдлаар Засгийн газрын 286 дугаар тогтоолын дагуу Ус цаг уур, орчны судалгаа мэдээллийн хүрээлэн (УЦУОСМХ)-гээс зудын байдалд үнэлгээ хийхэд Цэцэрлэг, Шинэ-Идэр, Галт, Жаргалант цасны нягт 0.35-0.45 г/см³ хүрч мөсөн (төмөр) зудын, Ренчинлхүмбэ, Улаан-Уул, Цагаан-Үүр, Баянзүрх, Бүрэнтогтох, Рашаант, Их-Уул, Цагаан-Уул сумд зузаан цастайн улмаас цагаан зудын, Цагааннуур, Эрдэнэбулган сумдад цагаанаар зудархуу байдалтай байна.