Хөвсгөл аймгийн нутгаар урсах судалгаатай томоохон гол мөрнүүдийн 2024 оны 5 дугаар сарын 3-р арав хоногийн усны түвшний тойм мэдээ

Хөвсгөл аймгийн УЦУОШТ-ийн ус судлалын харуулуудын ажиглалтын цэгийн мэдээгээр:

        Хангайн нуруунаас усжих Идэр гол, Хөвсгөлийн уулсаас усжих Дэлгэрмөрөн голын бэлчир буюу олон голын бэлчирээс эхлэн Сэлэнгэ мөрөн хэмээн нэрлэгдэх Сэлэнгэ голын усны түвшин Тосонцэнгэл сумын Тээл баг орчимд хоногт 0-10 хүртэл см-ээр буурч байсан бөгөөд 10 хоногийн турш 5 дугаар сарын дундаж түвшнээс 5-40 см-ээр их байв.

        Хангайн нуруунаас усжих Идэр голын усны түвшин Галт сумын Зүрх баг орчимд хоногт 5-25 см-ээр хэлбэлзэж байсан бөгөөд хугацааны турш дундаж түвшнээс 5-20 см-ээр бага байв. Усны түвшин аажмаар буурч байна.

     Хөвсгөл нуураас эх авсан Эг голын усны түвшин Хатгал тосгон орчимд хоногт 0-5 см-ээр хэлбэлзэж байсан бөгөөд 10 хоногийн турш дунджаас 5-15 см-ээр их байв. Харин Эрдэнэбулган сум орчимд усны түвшин хоногт өөрлөлтгүй байсан бөгөөд 10 хоногийн турш дунджаас 5-10 см-ээр бага байв.

      Хөвсгөлийн уулсаас эх авсан дараах голуудын хувьд:

• Дэлгэрмөрөн голын усны түвшин Мөрөн сум Хилэнтийн гүүр орчимд хоногт 0-20 см-ээр хэлбэлзэж байсан бөгөөд 10 хоногийн эхээр дунджийн орчим, сарын сүүлээр усны түвшин багасаж дунджаас 15-20 см-ээр бага болоод байна.
• Үүр голын усны түвшин Цагаан-Үүр сумын төмөр бетонон гүүр орчимд хоногт 5-35 см-ээр хэлбэлзэж байв.
• Бэлтэс голын усны түвшин Баянзүрх сумын төв орчимд хоногт өөрчлөлтгүй байсан  бөгөөд хугацааны турш дунджаас 10-15 см-ээр бага байв.
• Бүгсий голын усны түвшин Төмөрбулаг сумын төв орчимд хоногт 0-5 см-ээр багасаж байсан хэдий ч хугацааны турш дунджийн орчим болон дунджаас 5 см-ээр ахиу байв.
• Шишхэд голын усны түвшин Рэнчинлхүмбэ сум орчимд хоногт 0-20 см-ээр хэлбэлзэж байсан бөгөөд 10 хоногийн эхээр дунджаас 15-20 см-ээр их, сүүлээр усны түвшин багасаж дунджаас 5-40 см-ээр бага болоод байна.

Томоохон гол мөрнүүдийн сав дагуу нутаглаж байгаа нийт ард иргэд болон малчид, тээвэрчдийн анхааралд болзошгүй усны аюулаас сэрэмжтэй байхыг анхааруулж, нуурын мөсөн дээгүүр явахгүй байж баталгаат зам, гүүр, гармаар зорчихыг байхыг зөвлөж байна.                                                                     

        ХӨВСГӨЛ  УЦУОШТ,  УС СУДЛАЛЫН ӨРТӨӨ