2023 оны 9 дүгээр сарын эхний арав хоногийн тойм

Температур: Арав хоногийн агаарын дундаж температур нутгийн баруун болон хойд хэсэг мөн Шинэ-идэр сумын нутгаар 9.7-13.0 градус, бусад нутгаар 13.1-16.8 градус дулаан (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 2.0-4.5 градусаар дулаан байлаа.

Хугацааны эхээр нутгийн баруун ба хойд хэсгээр шөнөдөө +3...+8 градус, өдөртөө +19..+24 градус, бусад нутгаар шөнөдөө +9...+14 градус, өдөртөө +23...+28 градус дулаан байсан бол 06-наас нийт нутгаар сэрүүссэн байна.

Тунадас: 06-нд нийт нутгаар 0.4-18.0мм, 01, 07, 09-нд ихэнх нутгаар 0.0-13.0мм, бусад хугацаанд зарим газраар 0.0-9.0мм бороо, дуу цахилгаантай  аадар бороо (2 дугаар зураг) оров. Орсон тунадасыг олон жилийн дундажтай харьцуулахад Рэнчинлхүмбэ, Бүрэнтогтох, Галт, Төмөрбулаг, Тосонцэнгэл, Чандмань-Өндөр сумдын нутгаар дунджаас бага, бусад нутгаар дунджийн орчим буюу түүнээс ахиу тунадас орсон.

Салхи: Их төлөв баруун, баруун хойноос  4-14м/с,  зарим нутгаар борооны өмнө түр зуур 11-20м/с хүрч ширүүслээ.