2023 оны 8 дугаар сарын сүүлчийн арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсэг мөн Шинэ-идэр сумын нутгаар 12.0-15.0 градус, бусад нутгаар 15.1-19.2 градус дулаан (1 дүгээр зураг) буюу олон жилийн дундажтай харьцуулахад  Эрдэнэбулган сумын нутгаар дунджийн орчим, бусад нутгаар олон жилийн дунджаас 1.3-4.7 градусаар дулаан байлаа.

Хугацааны эхээр нийт нутгаар шөнөдөө +3...+10 градус, өдөртөө +16...+24 градус дулаан байсан бол хугацааны эцсээр нутгийн баруун ба хойд хэсгээр шөнөдөө +5...+10 градус, өдөртөө +20..+25 градус, бусад нутгаар шөнөдөө +9...+14 градус, өдөртөө +26...+31 градус дулаан байв.

Тунадас: Арав хоногийн эхэн болон дунд үеэр зарим нутгаар 0.3-23.0мм, 31-нд зарим нутгаар 0.0-11.0мм дуу цахилгаантай аадар бороо, бороо (2 дугаар зураг) оров. Орсон тунадасыг олон жилийн дундажтай харьцуулахад Баянзүрх, Алаг-Эрдэнэ, Түнэл, Бүрэнтогтох, Шинэ-Идэр сумдын нутгаар дунджийн орчим буюу түүнээс ахиу, бусад нутгаар дунджаас бага тунадас орсон.

Салхи: Нийт нутгаар баруунаас 2-9м/с, зарим нутгаар борооны өмнө түр зуур 12-14м/с хүрч ширүүслээ.

Бэлчээрийн ургамал: 8 дугаар сарын 31-ний байдлаар нийт нутгаар зуншлагын байдал хэвийн (3 дугаар зураг) байна.