2023 оны 8 дугаар сарын дунд арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсэг мөн Шинэ-идэр, Жаргалант сумдын нутгаар 11.9-15.0 градус, бусад нутгаар 15.1-19.0 градус дулаан (1 дүгээр зураг) буюу олон жилийн дундажтай харьцуулахад Рэнчинлхүмбэ, Баянзүрх, Цэцэрлэг, Мөрөн, Шинэ-Идэр, Тариалан, Эрдэнэбулган, Цагаан-Үүр сумдын нутгаар дунджийн орчим, бусад нутгаар олон жилийн дунджаас 1.1-3.8 градусаар дулаан байлаа.

Нутгийн баруун ба хойд хэсгээр шөнөдөө +5...+12 градус, өдөртөө +14...+22 градус, бусад нутгаар шөнөдөө +6...+15 градус, өдөртөө +20...+28 градус дулаан байв.

Тунадас: Арав хоногийн дунд үе болон 20-нд ихэнх нутгаар 0.0-37,0мм, бусад хугацаанд зарим нутгаар 0.0-8.0мм дуу цахилгаантай аадар бороо, бороо    (2 дугаар зураг) оров. Орсон тунадасыг олон жилийн дундажтай харьцуулахад Дархадын хотгор болон Цэцэрлэг, Цагаан-Уул сумдын нутгаар дунджаас бага , бусад нутгаар дунджийн орчим буюу түүнээс ахиу тунадас орсон.

Салхи: Ихэнх төлөв баруунаас 3-12м/с, зарим нутгаар борооны өмнө түр зуур 12-24м/с хүрч ширүүслээ.

Бэлчээрийн ургамал: 8 дугаар сарын 20-ны байдлаар нийт нутгаар зуншлагын байдал хэвийн (3 дугаар зураг) байна.