2023 оны 6 дугаар сарын эхний арав хоногийн цаг агаарын нөхцлийн тойм

Температур: Арав хоногийн агаарын дундаж температур Цагааннуур, Улаан-Уулаас бусад нутгийн баруун болон хойд сумдын нутгаар 8.8-14.0 градус, бусад нутгаар 14.1-19.5 градус дулаан (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 1.1-3.9 градусаар дулаан байлаа.

3-наас нийт нутгаар дулаарч нутгийн баруун ба хойд хэсгээр шөнөдөө +4... +9 градус дулаан, өдөртөө +20...+25 градус дулаан, бусад нутгаар шөнөдөө +9..+14 градус дулаан, өдөртөө +26...+31 градус дулаан байлаа. Мөрөн, Эрдэнэбулган, Галт, Их-Уул сумдын нутгаар 2-3 өдөр агаарын температур 30 градусыг давж халсан. 3-ны шөнө нийт нутгаар бага зэрэг сэрүүсэв.

Тунадас: 1, 2-нд ихэнх нутгаар 0.1-16.6мм, бусад хугацаанд зарим нутгаар 0.0-4.0мм бороо, аадар бороо (2 дугаар зураг) оров. Орсон тунадасыг олон жилийн дундажтай харьцуулахад Цагаан-Уул, Арбулаг болон нутгийн өмнө, зүүн өмнө хэсгийн зарим нутгаар дунджаас ахиу, бусад нутгаар дунджийн орчим буюу түүнээс бага тунадас орсон.

Салхи: Ихэнх хугацаанд баруун хойноос 5-11м/с, 6, 9-нд зарим нутгаар үе үе 11-23м/с хүрч ширүүссэн.

Бэлчээрийн ургамал: 6 дугаар сарын 10-ны байдлаар зуншлагын байдал Дархадын хотгороор дунд буюу ургамал оройтож цухуйсан, бусад нутгаар хэвийн (3 дугаар зураг) байна.