2023 оны 6 дугаар сарын дунд арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр 10.6-15.5 градус, бусад нутгаар 15.6-19.4 градус дулаан      (1 дүгээр зураг) буюу олон жилийн дундажтай харьцуулахад Баянзүрх, Шинэ-Идэр, Эрдэнэбулган, Тариалан, Их-Уул, Рашаант сумдын нутгаар дунджийн орчим, бусад нутгаар олон жилийн дунджаас 1.1-3.1 градусаар дулаан байлаа.

Ихэнх нутгаар 11,12, 20-нд өдөртөө +28...+33 градус, 14-нд +23...+28 градус хүрч халсан бол бусад хугацаанд сэрүүвтэр буюу нутгийн баруун ба хойд хэсгээр шөнөдөө +1... +6 градус, өдөртөө +10...+15 градус, бусад нутгаар шөнөдөө +5..+10 градус, өдөртөө +18...+23 градус дулаан байлаа.

Тунадас: 12, 13-нд ихэнх нутгаар 0.0-24.0мм , 17-нд нийт нутгаар 0.5-36.0мм , бусад хугацаанд зарим нутгаар 0.0-31.0мм бороо, аадар бороо (2 дугаар зураг) оров. Орсон тунадасыг олон жилийн дундажтай харьцуулахад Цагаан-Үүр орчмоор дунджаас бага, бусад нутгаар дунджийн орчим буюу түүнээс ахиу тунадас орсон.

Салхи: Ихэнх хугацаанд баруун хойноос 5-18м/с, 12, 15, 18, 20-нд зарим нутгаар үе үе 12-29м/с хүрч ширүүссэн.

Бэлчээрийн ургамал: 6 дугаар сарын 20-ны байдлаар нийт нутгаар зуншлагын байдал хэвийн (3 дугаар зураг) байна.