2023 оны 5 дугаар сарын сүүлчийн арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр 3.5-8.0 градус, бусад нутгаар 8.1-13.2 градус дулаан (1 дүгээр зураг) буюу олон жилийн дундажтай харьцуулахад Түнэл сумын нутгаар дунджийн орчим, бусад нутгаар олон жилийн дунджаас 1.5-3.7 градусаар хүйтэн байлаа.

21, 26-нд нийт нутгаар шөнөдөө хүйтэн хоносон бол бусад хугацаанд нутгийн баруун ба хойд хэсгээр шөнөдөө -6...+5 градус дулаан, өдөртөө +6...+15 градус дулаан, бусад нутгаар шөнөдөө +2...+10 градус дулаан, өдөртөө +12...+23 градус дулаан байсан бол 28, 29-нд өдөртөө нийт нутгаар дулаарч  +10...+24 градус дулаан байлаа.

Тунадас: 21-нд Цагаан-Үүр, Эрдэнэбулганд 0.0-2.0мм, 22, 23, 27, 30, 31-нд ихэнх нутгаар 0.0-32.0мм, 24, 25-нд зарим нутгаар 0.0-14.0мм, 29-нд Цэцэрлэг, Цагааннуурт 0.3-0.4мм  хур тунадас (2 дугаар зураг) оров. Орсон тунадасыг олон жилийн дундажтай харьцуулахад Ханх, Хатгал, Чандмань-Өндөр, Мөрөн, Галт сумдын нутгаар дунджаас бага, бусад нутгаар дунджийн орчим буюу түүнээс ахиу тунадас орсон.

Салхи: 21, 26, 28-нд нийт нутгаар 3-9м/с, бусад хугацаанд баруунаас 4-14м/с, 24, 25, 30-нд ихэнх нутгаар, бусад хугацаанд зарим нутгаар үе үе 11-20м/с хүрч ширүүсэв.

Бэлчээрийн ургамал: 5 дугаар сарын 31-ний байдлаар бэлчээрийн ургамлын ургалтын байдал Дархадын хотгор болон Цагаан-Уул сумдын нутгаар ургалт муу буюу ургамал цухуйсан боловч мал бэлчээх боломжгүй, зарим нутгаар ургалт дунд буюу ургамал оройтож цухуйсан, нутгийн зүүн хойд, төв, өмнөд хэсгийн зарим сумдын нутгаар хэвийн (3 дугаар зураг) байна.