2023 оны 4 дүгээр сарын эхний арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр 4.1-8.9 градус, бусад нутгаар 0.2 градус дулаанаас 4.0 градус хүйтэн (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 1.4-3.6 градусаар хүйтэн байлаа.

Дархадын хотгороор шөнөдөө -5...-24 градус, өдөртөө -7 градус хүйтнээс +7 градус дулаан, томоохон голуудын хөндийгөөр шөнөдөө -4...-20 градус, өдөртөө -3 градус хүйтнээс +11 градус дулаан , бусад нутгаар шөнөдөө -3...-19 градус хүйтэн, өдөртөө -3 хүйтнээс +14 градус дулаан байлаа.

Тунадас: 1, 2, 9-нд ихэнх нутгаар 0.0-5.0мм, 5-нд Цагаан-Үүрт 0.0мм, 10-нд зарим газраар 0.0мм хур тунадас (2 дугаар зураг) орсон. Орсон тунадасыг олон жилийн дундажтай харьцуулахад Цагааннуур, Цагаан-Уул, Тариалан, Рашаант, Тосонцэнгэл сумдын нутгаар дунджийн орчим буюу түүнээс ахиу, бусад нутгаар дунджаас бага тунадас орсон.

Салхи: Ихэнх хугацаанд баруунаас 5-10м/с, 9, 10-нд ихэнх нутгаар 12-17м/с, үе үе 14-24м/с хүрч ширүүсэн цасан болон шороон шуурга шуурав.