2023 оны 4 дүгээр сарын дунд арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр 0.0-5.5 градус хүйтэн, бусад нутгаар 0.1-4.5 градус дулаан  (1 дүгээр зураг) буюу олон жилийн дундажтай харьцуулахад нутгийн баруун өмнө болон төв хэсгээр дунджийн орчим, бусад нутгаар олон жилийн дунджаас 1.1-2.0 градусаар хүйтэн байлаа.

Дархадын хотгороор шөнөдөө -3...-18 градус хүйтэн, өдөртөө -5 градус хүйтнээс +8 градус дулаан, томоохон голуудын хөндийгөөр шөнөдөө -2...-13 градус хүйтэн, өдөртөө -2 градус хүйтнээс +14 градус дулаан , бусад нутгаар шөнөдөө -10 градус хүйтнээс +2 градус дулаан, өдөртөө 3 -16 градус дулаан байлаа.

Тунадас: 12, 13-нд зарим нутгаар 0.0-0.4мм, 16, 17, 18, 20-нд ихэнх нутгаар 0.0-4.0мм хур тунадас (2 дугаар зураг) орсон. Орсон тунадасыг олон жилийн дундажтай харьцуулахад Дархадын хотгор болон нутгийн зүүн хэсгээр дунджийн орчим буюу түүнээс ахиу, бусад нутгаар дунджаас бага тунадас орсон.

Салхи: Ихэнх хугацаанд баруунаас 5-12м/с, 18, 19-нд ихэнх нутгаар 14-23м/с хүрч ширүүсэн шороон шуурга шуурсан бол бусад хугацаанд зарим нутгаар үе үе 14-18м/с хүрч ширүүсэв.

Бэлчээрийн ургамал: 4 дүгээр сарын 20-ны байдлаар нийт нутгаар хүйтэн, салхи ихтэй байгаа нь бэлчээрийн ургамлын ургалтанд таагүй нөлөөлж ихэнх нутгаар ургамал цухуйгаагүй, Тариалан, Бүрэнтогтох сумдын нутгаар ургалт дунд буюу ургамал оройтож цухуйсан, нутгийн зүүн болон өмнөд хэсгийн зарим газраар ургалт муу буюу ургамал цухуйсан боловч мал бэлчээх боломжгүй (3 дугаар зураг) байна.