2023 оны 3 дугаар сарын эхний арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсэг, Идэр, Үүрийн голуудын хөндийгөөр 6.1-13.7 градус, бусад нутгаар 0.2 градус дулаанаас 6.0 градус хүйтэн (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 6.8-12.2 градусаар дулаан байлаа.

Дархадын хотгороор шөнөдөө -15...-26 градус, өдөртөө -2...-12 градус, томоохон голуудын хөндийгөөр шөнөдөө -4...-19 градус, өдөртөө -5...+3 градус, бусад нутгаар шөнөдөө -9...-14 градус хүйтэн, өдөртөө -4...+10 градус дулаан байв. 8-ны өдөр, 8-наас 9-нд шилжих шөнө нийт нутгаар дулаан байсан бол 10-нд нийт нутгаар бага зэрэг хүйтэрсэн.

Тунадас: 6-нд Цагааннуурт 0.0мм, 8, 10-нд зарим нутгаар 0.0-1.3мм цас, 9-нд ихэнх нутгаар 0.0-5.0мм бороо, нойтон цас, цас (2 дугаар зураг) орсон. Орсон тунадасыг олон жилийн дундажтай харьцуулахад Цагаан-Үүр, Чандмань-Өндөр, Рашаант, Тосонцэнгэл, Жаргалант, Галт сумдын нутгаар дунджаас бага, бусад нутгаар дунджаас ахиу тунадас орсон.

Салхи: Их төлөв баруунаас 1-12м/с, ихэнх хугацаанд зарим нутгаар үе үе 11-22м/с хүрч ширүүсэв .

Цасан бүрхүүл: 3 дугаар сарын 10-ны байдлаар цасны дундаж зузаан өндөрлөг уулсаар 20см-ээс их, Цагаан-Үүрт 22 см, нягт нь 0,15гр/см³,  Цэцэрлэгт 12см, нягт нь 0,26гр/см³,  Дархадын хотгор болон Алаг-Эрдэнэ (Хатгал) сумдын нутгаар 6-10см, нягт нь 0,16-0,17гр/см³, бусад нутгаар 1-5см цастай, нутгийн зүүн өмнө хэсгээр цасгүй (3 дугаар зураг) байна.