2023 оны 2 дугаар сарын сүүлчийн арав хоногийн цаг агаарын нөхцлийн тойм

Температур: Арав хоногийн агаарын дундаж температур Дархадын хотгор болон  Идэр, Тэс голуудын хөндийгөөр 14.0-21.8 градус, бусад нутгаар 6.2-13.9 градус хүйтэн (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 1.3-7.3 градусаар дулаан байлаа.

Дархадын хотгороор шөнөдөө -22...-31 градус, өдөртөө -6...-20 градус, томоохон голуудын хөндийгөөр шөнөдөө -14...-28 градус, өдөртөө -1...-13 градус, бусад нутгаар шөнөдөө -12...-22 градус, өдөртөө  8 градус дулаанаас  6 градус хүйтэн байлаа. Хугацааны дунд үеэр нийт нутгаар дулаарсан.

Тунадас: 25-нд Ханх, Улаан-Уулд 0.0мм, 27-нд Ханх, Тариаланд 0.0-0.4мм, Цагаан-Үүрт 6.4мм цас (2 дугаар зураг) орсон. Орсон тунадасыг олон жилийн дундажтай харьцуулахад Тариалан, Цагаан-Үүр сумдын нутгаар дунджаас ахиу, бусад нутгаар дунджаас бага тунадас орсон.

Салхи: Хугацааны эхээр нийт нутгаар их төлөв баруунаас 1-9м/с байсан бол хугацааны эцсээр 4-12м/с, 26, 27, 28-нд зарим газраар үе үе 12-17м/с хүрч ширүүсэв.

Цасан бүрхүүл: 2 дугаар сарын 28-ны байдлаар цасны дундаж зузаан өндөрлөг уулсаар 20см-ээс их, Цагаан-Үүрт 37 см /27-нд 6.4мм цас оров/, Цэцэрлэг, Чандмань-Өндөр сумдын нутгаар 11-15см, нягт нь 0,11-0,25гр/см³,  Дархадын хотгор болон Хатгал, Эрдэнэбулган сумдын нутгаар 6-10см, нягт нь 0,09-0,20гр/см³, Ханх, Алаг-Эрдэнэ, Тариалан, Жаргалант, Галт сумдын нутгаар 1-5см цастай, бусад нутгаар цасгүй (3 дугаар зураг) байна.