2023 оны 10 дугаар сарын дунд арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр 0.8-4.2 градус, бусад нутгаар 4.3-7.6 градус дулаан буюу олон жилийн дундажтай харьцуулахад нийт нутгаар олон жилийн дунджаас 4.5-6.5 градусаар дулаан байлаа. (1 дүгээр зураг)

12, 13, 14-нд дулаарч, нутгийн баруун ба хойд хэсгээр шөнөдөө -1...-7 градус хүйтэн, өдөртөө +9...+16 градус дулаан, бусад нутгаар шөнөдөө -3...+7 градус, өдөртөө +14...+20 градус дулаан байсан бол 16-18-нд өдөртөө хүйтэрч, нутгийн баруун ба хойд хэсгээр шөнөдөө -2...-8 градус хүйтэн, өдөртөө 2...8 градус дулаан, бусад нутгаар шөнөдөө -4...3 градус дулаан, өдөртөө 5...11 градус дулаан байв. Бусад хугацаанд нийт нутгаар шөнөдөө 0...8 градус хүйтэн, өдөртөө 7...16 градус дулаан байлаа.

Тунадас: 16-нд Цэцэрлэг орчмоор 0.0 мм цас орсон. Бусад нутгаар тунадас ороогүй. (2 дугаар зураг)

Салхи: Хугацааны эхэн болон эцсээр нийт нутгаар намуун байсан бол дунд үеэр баруунаас 3-13м/с, зарим нутгаар үе үе 11-17 м/с хүрч ширүүслээ.