2023 оны 1 дүгээр сарын эхний арав хоногийн цаг агаарын нөхцлийн тойм

Температур: Арав хоногийн агаарын дундаж температур Дархадын хотгор болон  Бэлтэс, Үүрийн голуудын хөндийгөөр 25.1-31.4 градус, Идэр, Тэс, Дэлгэрмөрөн голуудын хөндий болон Их-Уул, Тариалан сумдын нутгаар 20.1-25.0 градус, бусад нутгаар 13.8-20.0 градус хүйтэн (1 дүгээр зураг) буюу олон жилийн дундажтай харьцуулахад нутгийн зүүн хэсэг болон Рэнчинлхүмбэ, Мөрөн сумдын нутгаар олон жилийн дунджийн орчим, бусад нутгаар олон жилийн дунджаас 1.1-5.8 градусаар дулаан байлаа.

Дархадын хотгор, томоохон голуудын хөндийгөөр шөнөдөө -24...-42 градус, өдөртөө -13...-34 градус, бусад нутгаар шөнөдөө -14...-34 градус, өдөртөө  -23 градус хүйтнээс +1 градус дулаан байсан бол дунд үеэс хүйтний эрч суларч 07-нд өдөртөө нийт нутгаар  эрс дулаарсан байна.

Тунадас: 4-нд Цэцэрлэгт 0.2мм, 5-нд ихэнх нутгаар 0.0-0.9мм, 6-нд Цагааннуурт 0.0мм, 3, 7, 10-нд зарим газраар 0.0-2.2мм цас (2 дугаар зураг) орсон. Орсон тунадасыг олон жилийн дундажтай харьцуулахад Цэцэрлэг, Мөрөн, Арбулаг, Бүрэнтогтох сумдын нутгаар дунджаас ахиу, бусад нутгаар дунджийн орчим буюу түүнээс бага тунадас орсон.

Салхи: Нутгийн баруун, өмнө хэсэг, Хатгал орчмоор баруунаас 3-12м/с, хугацааны эцсээр зарим үед түр зуур секундэд 12-16 метр хүрч ширүүсэв, бусад нутгаар тогтуун байлаа.

Цасан бүрхүүл: 1 дүгээр сарын 10-ны байдлаар цасны дундаж зузаан өндөрлөг уулсаар 20см-ээс их, Цагааннуур, Цэцэрлэг, Хатгал, Цагаан-Үүр, Чандмань-Өндөр сумдын нутгаар 11-20см, нягт нь 0,11-0,23гр/см³, Рэнчинлхүмбэ, Улаан-Уул, Арбулаг, Мөрөн, Тариалан сумдын нутгаар 6-10см, нягт нь 0,10-0,24гр/см³, бусад нутгаар 1-5см, гуу жалга, хунгарласан газартаа 15-31 см зузаан цастай (3 дугаар зураг) байна.