2022 оны 9 дүгээр сарын сүүлчийн арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 5.5-8.0 градус, бусад нутгаар 8.1-12.1 градус дулаан (1 дүгээр зураг) буюу олон жилийн дундажтай харьцуулахад нийт нутгаар дунджаас 3.2-5.5 градусаар дулаан байлаа.

Нутгийн баруун ба хойд хэсгээр шөнөдөө 5 градус хүйтнээс 3 градус дулаан, өдөртөө 9-20 градус, бусад нутгаар шөнөдөө 0-7 градус, өдөртөө 9-25 градус дулаан байсан бол хугацааны эцсээр нийт нутгаар сэрүүсэв.   

Тунадас: 24-нд Цагааннуурт 0,9мм, 25-нд Эрдэнэбулганд 0,0мм, 28-нд ихэнх нутгаар 0,0-8,0мм, 29, 30-нд зарим газраар 0,0-4,0мм хур тунадас орлоо. (2 дугаар зураг) Орсон тунадасыг олон жилийн дундажтай харьцуулахад Шинэ-Идэр, Цагаан-Уул, Арбулаг сумдын нутгаар дунджаас ахиу, бусад нутгаар дунджийн орчим буюу түүнээс бага тунадас орсон.

Салхи: Баруунаас 3-14м/с, 21, 24, 26-нд ихэнх, бусад хугацаанд зарим газраар түр зуур 11-20м/с хүрч ширүүсэв.