2022 оны 9 дүгээр сарын дунд арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 5.2-8.0 градус, бусад нутгаар 8.1-11.5 градус дулаан (1 дүгээр зураг) буюу олон жилийн дундажтай харьцуулахад Баянзүрх, Цагаан-Уул, Бүрэнтогтох, Мөрөн, Тариалан, Рашаант сумдын нутгаар дунджийн орчим, бусад нутгаар дунджаас 1.1-2.8 градусаар дулаан байлаа.

12-нд нийт нутгаар дулаан байсан бол 13-наас сэрүүсч нутгийн баруун ба хойд хэсгээр шөнөдөө 0-5 градус, өдөртөө 5-12 градус, бусад нутгаар шөнөдөө 2-7 градус, өдөртөө 8-18 градус дулаан байв. Хугацааны эцсээр шөнөдөө нийт нутгаар 6 градус хүйтнээс 3 градус дулаан хүрч сэрүүсэв.   

Тунадас: 11, 13, 15, 17, 18-нд зарим нутгаар 0,0-4,6мм, 14, 16-нд нийт нутгаар 0,0-26,0мм, 12-нд Цагаан-Үүрт 0,1мм, 20-нд Цагааннуурт 0,0мм хур тунадас орлоо. 16-нд зарим нутгаар 0-15см цас оров. (2 дугаар зураг) Орсон тунадасыг олон жилийн дундажтай харьцуулахад Рэнчинлхүмбэ сумын нутгаар дунджаас бага, бусад нутгаар дунджаас ахиу тунадас орсон.

Салхи: 11, 12, 13, 20-нд баруунаас 1-16м/с, зарим нутгаар түр зуур 11-24м/с хүрч ширүүссэн бол бусад хугацаандаа 4-9м/с байв.