2022 оны 8 дугаар сарын дунд арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 10.3-13.3 градус, бусад нутгаар 13.4-16.4 градус дулаан (1 дүгээр зураг) буюу олон жилийн дундажтай харьцуулахад Баянзүрх, Рэнчинлхүмбэ сумдын нутгаар олон жилийн дунджаас 1.1-1.5 градус хүйтэн, бусад нутгаар дунджийн орчим байлаа.

Нутгийн баруун ба хойд хэсгээр шөнөдөө 0-5 градус, өдөртөө 15-20 градус, бусад нутгаар шөнөдөө 5-10 градус, өдөртөө 19-24 градус дулаан байв. 15-нд өдөртөө нийт нутгаар дулаан байсан бол хугацааны эцсээр нийт нутгаар сэрүүсч ихэнх нутгаар хөрсөнд хасах 0-5 градус хүрч цочир хүйтэрсэн.

Тунадас:  12, 15, 17, 19-нд зарим нутгаар 0,0-3,0мм, 13, 14, 16, 18, 20-ны өдрүүдэд ихэнх нутгаар 0,0-13,0мм дуу цахилгаантай аадар бороо, бороо, уулаараа нойтон цас оров. (2 дугаар зураг) Орсон тунадасыг олон жилийн дундажтай харьцуулахад Тариалан сумын нутгаар дунджаас ахиу, бусад нутгаар дунджийн орчим буюу түүнээс бага тунадас орсон.

Салхи: Ихэнх хугацаандаа баруун болон баруун хойноос 2-14м/с, зарим газраар борооны өмнө түр зуур 12-21м/с хүрч ширүүсэв.  

Зуншлагын байдал: 8 дугаар сарын 20-ны байдлаар нийт нутгаар зуншлагын байдал сайн (3 дугаар зураг) байна.