2022 оны 7-р сарын дунд 10 хоногийн тойм

2022 оны 7 дугаар сарын дунд арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 11.5-14.8 градус, бусад нутгаар 14.9-18.2 градус дулаан (1 дүгээр зураг) буюу олон жилийн дундажтай харьцуулахад ихэнх нутгаар олон жилийн дунджаас 1.1-3.0 градус хүйтэн байсан бол Арбулаг, Тосонцэнгэл, Түнэл, Ханх, Цагаан-Уул сумдын нутгаар олон жилийн дунджийн орчим дулаан байсан.

11-нд нийт нутгаар сэрүүн байсан бол нутгийн баруун болон хойд хэсгээр шөнөдөө 2-7 градус, өдөртөө 16-24 градус, бусад нутгаар шөнөдөө 8-13 градус, өдөртөө 23-28 градус дулаан байв. 

Тунадас:  Хугацааны эхэн, дунд болон сүүлчээр  ихэнх нутгаар 0.6-32.0 мм, бусад хугацаанд зарим газраар 0.0-11.0 мм бороо,  дуу цахилгаантай аадар бороо орлоо. Хоногийн хамгийн их нь 11-нд Эрдэнэбулган суманд 32.0 мм орсон. Орсон тунадасыг олон жилийн дундажтай харьцуулахад Галт, Тосонцэнгэл, Ренчинлхүмбэ сумдын нутгаар дунджаас бага, бусад нутгаар дунджийн орчим буюу түүнээс ахиу тунадас (2 дугаар зураг) орсон.

Салхи: Их төлөв баруун өмнөөс секундэд 5-10 м/с, зарим үед борооны өмнө түр зуур 11-24 м/с хүрч ширүүсэв.

Зуншлагын байдал: 7 дугаар сарын 20-ны байдлаар нийт нутгаар зуншлагын байдал сайн (3 дугаар зураг) байна.