2022 оны 7 дугаар сарын эхний арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 11.1-15.0 градус, бусад нутгаар 15.1-19.6 градус дулаан (1 дүгээр зураг) буюу Эрдэнэбулган, Цагаан-Үүр сумдын нутгаар олон жилийн дунджаас 1.3-2.3 градусаар сэрүүн, Арбулаг, Тосонцэнгэл орчмоор 1.1 градусаар дулаан, бусад нутгаар дунджийн орчим байлаа.

Арав хоногийн эхээр нийт нутгаар халсан бол бусад хугацаанд нутгийн баруун ба хойд хэсгээр шөнөдөө 4-10 градус, өдөртөө 11-22 градус, бусад нутгаар шөнөдөө 6-14 градус, өдөртөө 15-25 градус дулаан байв.   

Тунадас: 1-нд Арбулагт 0.0мм, 2-нөөс 4, 6-нд ихэнх нутгаар 0.0-38.0мм, 5, 7-ноос 9-нд зарим нутгаар 0.0-9.0мм, 10-нд нийт нутгаар 0.0-35.0мм бороо, дуу цахилгаантай аадар бороо орлоо. Орсон тунадасыг олон жилийн дундажтай харьцуулахад Цэцэрлэг, Цагаан-Уул, Алаг-Эрдэнэ, Арбулаг сумдын нутгаар дунджаас бага, бусад нутгаар дунджийн орчим буюу түүнээс ахиу тунадас (2 дугаар зураг) орсон.

Салхи: Их төлөв баруунаас 0-15м/с, ихэнх хугацаанд зарим нутгаар түр зуур 11-26м/с хүрч ширүүсэв.

Зуншлагын байдал: 7 дугаар сарын 10-ны байдлаар нийт нутгаар зуншлагын байдал сайн (3 дугаар зураг) байна.