2022 оны 5 дугаар сарын сүүлчийн арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 8.9-13.5 градус, бусад нутгаар 13.6-18.1 градус дулаан (1 дүгээр зураг) буюу Эрдэнэбулган, Цагаан-Үүр сумдын нутгаар дунджийн орчим, бусад нутгаар олон жилийн дунджаас 1.4-4.7 градусаар дулаан байлаа.

Нутгийн баруун ба хойд хэсгээр шөнөдөө 1 градус хүйтнээс 9 градус, өдөртөө 13-25 градус дулаан, бусад нутгаар шөнөдөө 2-14 градус, өдөртөө 19-28 градус дулаан байв. Нийт нутгаар 28, 30-ны өдөр, 28-29-ний шөнө сэрүүссэн байна. 

Тунадас: 21, 24, 27-нд зарим газраар 0.0-0.6мм, 26, 30-нд ихэнх нутгаар 0.0-9.0мм, 28-нд нийт нутгаар 0.1-17.0мм, 31-нд Тариаланд 1,0мм бороо, аадар бороо, нойтон цас оров. Орсон тунадасыг олон жилийн дундажтай харьцуулахад Цэцэрлэг, Жаргалант, Рашаант, Тариалан, Түнэл, Цагаан-Үүр сумдын нутгаар дунджаас ахиу, бусад нутгаар дунджийн орчим буюу түүнээс бага тунадас (2 дугаар зураг) орсон.

Салхи: Ихэнх хугацаанд баруун, баруун хойноос 1-14м/с, зарим нутгаар түр зуур 12-22м/с хүрч ширүүсэв.

Бэлчээрийн ургамлын ургалт: 5 дугаар сарын 31-ний байдлаар ихэнх нутгаар ургамлын ургалтын байдал хэвийн, Төмөрбулаг, Тариалан сумдын нутаг, Цэцэрлэг, Хатгал сумдын зарим багийн нутгаар дунд, Хатгал тосгоны зарим багийн нутгаар муу (3 дугаар зураг) байна.