2022 оны 3 дугаар сарын эхний арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 9.1-15.8 градус, бусад нутгаар 2.3-9.0 градус хүйтэн (1 дүгээр зураг) буюу нийт нутгаар олон жилийн дунджаас 4.5-8.4 градусаар дулаан байлаа.

Дархадын хотгор, Цэцэрлэг орчмоор шөнөдөө 20-27 градус, өдөртөө 5-11 градус, томоохон голуудын хөндийгөөр шөнөдөө 12-24 градус хүйтэн, өдөртөө 5 градус хүйтнээс 2 градус дулаан, бусад нутгаар шөнөдөө 6-17 градус хүйтэн, өдөртөө 3  градус хүйтнээс 6 градус дулаан байсан бол хугацааны сүүлчээр нийт нутгаар дулаарсан.

Тунадас: 3-нд Тариалан, Алаг-Эрдэнэ, Улаан-Уулд 0.0-0.2мм, 9-нд Цагааннуурт 0.4мм цас оров. (2 дугаар зураг).

Салхи: Баруунаас 1-12м/с, 1, 2, 4, 6, 7, 8-нд зарим нутгаар түр зуур 11-15м/с, 3-нд ихэнх, 9-нд зарим нутгаар түр зуур 11-20м/с хүрч ширүүсэн явган шуурга шуурав.

Цасан бүрхүүл: 3 дугаар сарын 10-ны байдлаар цасны дундаж зузаан Дархадын хотгор болон Цагаан-Үүр сумдын нутгаар 5-14см, нягт нь 0,10-0,20гр/см³, нутгийн баруун, зүүн хойд хэсгээр 0-4см цастай, бусад нутгаар цасгүй (3 дугаар зураг) байна.