2022 оны 11 дүгээр сарын эхний арав хоногийн тойм

Температур: Арав хоногийн агаарын дундаж температур Дархадын хотгор болон нутгийн зүүн хойд хэсгээр 10.1-16.1 градус хүйтэн, бусад нутгаар 3.2-10,0 градус хүйтэн (1 дүгээр зураг) буюу олон жилийн дундажтай харьцуулахад Рэнчинлхүмбэ, Цагаан-Үүр, Чандмань-Өндөр, Эрдэнэбулган сумдын нутгаар дунджаас 1.1-3.2 градусаар хүйтэн, бусад нутгаар дунджийн орчим буюу түүнээс 1.5-4.6 градусаар дулаан байлаа.

Хугацааны эхээр нийт нутгаар хүйтэн байсан бол 4-нөөс бага зэрэг дулаарсан. Дархадын хотгор, Эг, Үүрийн голын хөндийгөөр шөнөдөө 6-27 градус хүйтэн, өдөртөө 1-17 градус хүйтэн, бусад нутгаар шөнөдөө 3-18 градус хүйтэн, өдөртөө 4 градус хүйтнээс 9 градус дулаан байлаа.

Тунадас: 9-нд Цэцэрлэг, Цагаан-Уул, Цагааннуурт, 10-нд ихэнх нутгаар 0.0-4.4мм цас орлоо. (2 дугаар зураг) Орсон тунадасыг олон жилийн дундажтай харьцуулахад Ханх, Чандмань-Өндөр, Эрдэнэбулган сумдын нутгаар дунджаас ахиу, бусад нутгаар дунджийн орчим буюу түүнээс бага тунадас орсон.

Салхи: Их төлөв баруунаас 1-12м/с, 3, 5-нд Цэцэрлэгт, 8-нд Шинэ-Идэрт, 10-нд зарим нутгаар түр зуур 12-14м/с хүрч ширүүсэв.

Цасан бүрхүүл: 11 дүгээр сарын 10-ны байдлаар цасны дундаж зузаан Рэнчинлхүмбэ, Ханх, Хатгал, Чандмань-Өндөр, Цагаан-Үүр, Эрдэнэбулган сумдын нутгаар 6-20см, нягт нь 0,08-0,22гр/см³, нутгийн баруун болон төв хэсгээр зарим газраар 0-5 см цастай, бусад нутгаар цасгүй (3 дугаар зураг) байна.