2022 оны 11 дүгээр сарын сүүлчийн арав хоногийн тойм

Температур: Арав хоногийн агаарын дундаж температур Дархадын хотгороор 25.1-30.0 градус, Тэс, Бэлтэс, Үүр, Эгийн голын хөндийгөөр 20.1-25.0 градус, бусад нутгаар 15.4-20.0 градус хүйтэн (1 дүгээр зураг) буюу олон жилийн дундажтай харьцуулахад нийт нутгаар олон жилийн дунджаас 1.3-7.1 градусаар хүйтэн байлаа.

Хугацааны эхээр Дархадын хотгороор шөнөдөө -27...-37 градус, өдөртөө -18...-25 градус, томоохон голуудын хөндийгөөр шөнөдөө -17...-31 градус, өдөртөө -5...-17 градус, бусад нутгаар шөнөдөө -13...-24 градус хүйтэн, өдөртөө  -13 градус хүйтнээс +1 градус дулаан байсан бол хугацааны сүүлчээр нийт нутгаар хүйтрэв.

Тунадас: 22-нд Жаргалантад 0,0мм, 25-нд Тариаланд 0,0мм, 27-нд ихэнх нутгаар 0,0-5,0мм, бусад хугацаанд зарим нутгаар 0,0-6,0мм цас оров. (2 дугаар зураг) Орсон тунадасыг олон жилийн дундажтай харьцуулахад Дархадын хотгор болон Баянзүрх, Цагаан-Уул, Арбулаг, Цагаан-Үүр, Эрдэнэбулган сумдын нутгаар дунджаас бага, бусад нутгаар дунджийн орчим буюу түүнээс ахиу тунадас орсон.

Салхи: Баруунаас 2-17м/с, 24,25,27,28,29-нд зарим нутгаар үе үе 11-20м/с хүрч ширүүсэв.

Цасан бүрхүүл: 11 дүгээр сарын 30-ны байдлаар цасны дундаж зузаан өндөрлөг уулсаар 20см-ээс их, Чандмань-Өндөр, Цагаан-Үүр сумдын нутгаар 11-15см, нягт нь 0,12-0,13гр/см³, нутгийн баруун болон хойд, зүүн хойд хэсгээр 6-10 см, бусад нутгаар 0-5см цастай, Баянзүрх, Цагаан-Уул, Шинэ-Идэр сумдын төвөөр цасгүй (3 дугаар зураг) байлаа.