2022 оны 1 дүгээр сарын дунд арав хоногийн тойм

Температур: Арав хоногийн агаарын дундаж температур Дархадын хотгор болон томоохон голуудын хөндийгөөр 20.1-29.0 градус, бусад нутгаар 11.9-20.0 градус хүйтэн (1 дүгээр зураг) буюу нийт нутгаар 3.1-8.4 градусаар дулаан байлаа.

Хугацааны эхээр Дархадын хотгороор шөнөдөө 35-39 градус, өдөртөө 25-29 градус, томоохон голуудын хөндийгөөр шөнөдөө 26-36 градус, өдөртөө 16-25 градус, бусад нутгаар шөнөдөө 15-30 градус, өдөртөө 2-16 градус хүйтэн байв. Хугацааны эцсээр нийт нутгаар хүйтний эрч суларсан.  

Тунадас: 11, 14, 18, 19-нд зарим нутгаар 0.0-1.0мм, 20-нд ихэнх нутгаар 0.0-1.2мм цас оров. Орсон тунадасыг олон жилийн дундажтай харьцуулахад нутгийн баруун хойд болон зүүн өмнөд хэсгээр дунджаас ахиу, бусад нутгаар дунджийн орчим буюу түүнээс бага тунадас (2 дугаар зураг) орсон.

Салхи: Баруунаас 1-11м/с, арав хоногийн эхээр зарим нутгаар түр зуур 11-12м/с хүрч ширүүсэв.

Цасан бүрхүүл: 1 дүгээр сарын 20-ны байдлаар цасны дундаж зузаан Дархадын хотгор, Цэцэрлэг, Жаргалант, Цагаан-Үүр, Чандмань-Өндөр сумдын нутгаар 5-15см, нягт нь 0,10-0,22гр/см³, бусад нутгаар 0-4см цастай, Төмөрбулаг сумын нутгаар цасгүй (3 дугаар зураг) байна.