Цаг уурын мэдээ > Ус судлал
Хөвсгөл аймгийн судалгаатай томоохон гол мөрнүүдийн 2022 оны 5 дугаар сарын 3-р Арав хоногийн усны түвшний тойм мэдээ
Хөвсгөл нуур битүү мөсөн бүрхүүлтэй байсан бөгөөд Хатгал тосгон орчимд мөсөн бүрхүүл задарч нуур мөсний үзэгдэлгүй болсон байна. Мөн нуурын зарим хэсгээр усан захтай, мөс харлах, усан хил гарах зэрэг мөсний үзэгдэл ажиглагдаж байв.
Хангайн нуруунаас усжих Идэр гол, Хөвсгөлийн уулсаас усжих Дэлгэрмөрөн голын бэлчир буюу олон голын бэлчирээс эхлэн Сэлэнгэ мөрөн хэмээн нэрлэгдэх Сэлэнгэ голын усны түвшин Тосонцэнгэл сумын Тээл баг орчимд хоногт 0-5 см-ээр хэлбэлзэж, 10 хоногийн турш олон жилийн дундаж түвшнээс 5-10 см-ээр бага байв.
Хангайн нуруунаас усжих Идэр голын усны түвшин Галт сумын Зүрх баг орчимд хоногт 0-5 см-ээр хэлбэлзэж, 10 турш олон жилийн дундаж түвшнээс 5-15 см-ээр бага байлаа.
Хөвсгөл нуураас эх авсан Эг голын усны түвшин Хатгал тосгон орчимд хоногт 0-5 см-ээр хэлбэлзэж, 10 хоногийн турш олон жилийн дундаж түвшнээс 5-10 см-ээр их байна. Харин Эрдэнэбулган сум орчимд усны түвшин хоногт бараг өөрчлөлтгүй, 10 хоногийн турш олон жилийн дунджаас 5 см-ээр ахиу байв.
Хөвсгөлийн уулсаас эх авсан дараах голуудын хувьд:
- Дэлгэрмөрөн голын усны түвшин Мөрөн хот орчимд хоногт 0-5 см-ээр хэлбэлзэж, 10 хоногийн эхээр олон жилийн дунджаас 5-10 см-ээр их, хугацааны сүүлээр 5 см-ээр бага байв.
- Үүр голын усны түвшин Цагаан-Үүр сумын төв орчимд хоногт 0-10 см-ээр хэлбэлзэж байв.
- Бэлтэс гол Баянзүрх сумын төв орчимд усны түвшин хоногт 0-5 см-ээр хэлбэлзэж, 10 хоногийн эхээр олон жилийн дундаж түвшнээс 5 см-ээр ахиу байв.
- Бүгсий голын усны түвшин Төмөрбулаг сумын төв орчимд өөрчлөлтгүй байсан бөгөөд 10 хоногийн турш олон жилийн дунджийн орчим байв.
- Шишгэд голын усны түвшин Рэнчинлхүмбэ сум орчимд хоногт 0-5 см-ээр хэлбэлзэж байсан бөгөөд 10 хоногийн турш олон жилийн дунджаас 5-15 см-ээр ахиу байв.
Томоохон гол мөрнүүдийн сав дагуу нутаглаж байгаа нийт ард иргэдийг болзошгүй ҮЕР УСНЫ АЮУЛААС СЭРЭМЖЛҮҮЛЖ БАЙНА.
УЦУОШТ, Ус судлалын өртөө