Хөвсгөл аймгийн 2021 оны 3 дугаар сарын гадаргын усны чанарын тойм

Хөвсгөл аймгийн гадаргын усны чанарын

2021 оны 3 дугаар сарын тойм

     Хөвсгөл аймгийн Байгаль орчны шинжилгээний лаборатори нь гадаргын усны хяналт-шинжилгээний хөтөлбөрийн дагуу 2021 оны 3 дугаар сард Дэлгэрмөрөн-Цагаан-Уул, Дэлгэрмөрөн-Тосгон, Бой, Ногоонбулаг, Хөвсгөл нуур-Ханх, Хөвсгөл нуур-Хатгал, Идэр-Зүрх, Сэлэнгэ-Тосонцэнгэл, Эг-Эрдэнэбулган зэрэг гол мөрөн, нуурын усны хяналт-шинжилгээний 9 цэгээс усны сорьц авч сорьцонд усны химийн найрлага, чанарын үзүүлэлтүүд: усан орчин (pH), усны булингар, усны цахилгаан дамжуулах чанарын (EC), жинлэгдэх бодис (Ж/б), ууссан хүчилтөрөгч (O₂), биохимийн хэрэгцээт хүчилтөрөгч (БХХ₅), перманганатын исэлдэх чанар (ПИЧ), хатуулаг, кальци (Ca), магни (Mg), натри болон калийн ион (Na+K), сульфат (SO₄), хлор (Cl), гидрокарбонат (HCO₃), эрдэсжилт, аммони (NH₄), нитритийн азот (NO₂), нитратын азот (NO₃), фосфор (P), фтор (F), төмөр (Fe) зэргийг тодорхойллоо.

     2021 оны 3 сард хийсэн Хөвсгөл аймгийн гадаргын усны шинжилгээний дүнг усны чанарын гол үзүүлэлтүүдийг MNS4586-98 усны чанарын стандартай харьцуулан үзүүллээ.  

Усны объект- Хяналт-шинжилгээний цэг	Усны чанарын үзүүлэлт, мг/л
	О2	БХХ5	ПИЧ	NH4	NO2	NO3	PО4
Усны чанарын стандарт MNS4586:98	6.0 багагүй	3.0	10.0	0.50	0.020	9.0	0.100
Дэлгэрмөрөн- Тосгон	5.60	0.96	16.64	1.64	0.026	0.30	0.041
Дэлгэрмөрөн- Бойны газар	9.92	1.60	1.12	0.02	0.005	0.35	0.001
Дэлгэрмөрөн- Ногоонбулаг	11.04	1.12	0.80	0.06	0.006	0.38	0.003
Дэлгэрмөрөн-Цагаан-Уул			0.80	0.10	0.001	0.56	0.001
Хөвсгөл нуур- Ханх			0.32	0.09	0.0	0.05	0.0
Хөвсгөл нуур- Хатгал			0.96	0.20	0.0	0.31	0.005
Эг-Хатгал			0.32	0.08	0.0	0.14	0.001
Идэр-Зүрх			0.32	0.08	0.006	1.11	0.004
Сэлэнгэ-Тосонцэнгэл			0.96	0.07	0.025	0.87	0.001
Эг-Эрдэнэбулган			0.64	0.06	0.001	0.26	0.0

 

 

 

 

 

 

 

 

 

 

 

 

 

 

 

 

 

 

 

 

 

Хөвсгөл нуур-Ханх, Хөвсгөл нуур-Хатгалын усны шинжилгээ: Хөвсгөл нуурын хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 193.7-230.5 мг/л буюу бага эрдэсжилттэй, усан дахь хялбар исэлдэх органик бодис болон эрдэс азотын агууламж MNS4586-98 усны чанарын стандарт дахь хүлцэх агууламжаас давсан үзүүлэлт байхгүй. Хөвсгөл нуурын усны чанар “маш цэвэр” байлаа.

Эг-Хатгал, Эг-Эрдэнэбулган: Эгийн голын хяналт шинжилгээний 2 цэгээс сорьц авч усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс харахад голын усан дахь Эгийн голын усан дахь эрдэсжилт 212.0-285.9 мг/л, хялбар исэлдэх органик бодис болон эрдэс азотын агууламж MNS4586-98 усны чанарын стандарт дахь хүлцэх агууламжаас давсан үзүүлэлт байхгүй. Эгийн голын усны чанар “цэвэр” байлаа.

Идэр-Зүрх: Идэрийн голын хяналт шинжилгээний 1 цэгээс сорьц авч усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс харахад голын усан дахь Идэрийн голын усан дахь эрдэсжилт 254.9 мг/л, хялбар исэлдэх органик бодис болон эрдэс азотын агууламж MNS4586-98 усны чанарын стандарт дахь хүлцэх агууламжаас давсан үзүүлэлт байхгүй. Идэрийн голын усны чанар “цэвэр” байлаа.

Сэлэнгэ-Тосонцэнгэл: Сэлэнгэ мөрөний хяналт шинжилгээний 1 цэгээс сорьц авч усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс харахад голын усан дахь Сэлэнгэ мөрөний усан дахь эрдэсжилт 251.9 мг/л, хялбар исэлдэх органик бодисын бохирдолгүй, нитритийн азотын агууламж усны чанарын стандарт дахь хүлцэх агууламжаас давсан бага зэргийн бохирдол илэрсэн боловч бусад үзүүлэлтүүд нь MNS45:86-98 стандарт дахь хүлцэх агууламжаас давсан  үзүүлэлт байхгүй. Сэлэнгэ мөрөний усны чанар “цэвэр” байлаа.