Хөвсгөл аймгийн судалгаатай томоохон гол мөрнүүдийн 2023 оны 7 дугаар сарын 2-р арав хоногийн усны түвшний тойм мэдээ

7 дугаар сарын 2-р арав хоногт Дэлгэрмөрөн, Бэлтэс, Гуна, Уйлган голууд үерийн түвшинг даван үерлэсэн байна.

             Хангайн нуруунаас усжих Идэр гол, Хөвсгөлийн уулсаас усжих Дэлгэрмөрөн голын бэлчир буюу олон голын бэлчирээс эхлэн Сэлэнгэ мөрөн хэмээн нэрлэгдэх Сэлэнгэ голын усны түвшин Тосонцэнгэл сумын Тээл баг орчимд хоногт 0-65 см-ээр хэлбэлзэж байсан бөгөөд арав хоногийн турш олон жилийн дундаж түвшнээс 15-105 см-ээр ахиу байлаа.

               Хангайн нуруунаас усжих Идэр голын усны түвшин Галт сумын Зүрх баг орчимд хоногт 0-20 см-ээр хэлбэлзэж байсан бөгөөд хугацааны турш олон жилийн дунджаас 5-25 см-ээр бага байв.

             Хөвсгөл нуураас эх авсан Эг голын усны түвшин Хатгал тосгон орчимд 0-5 см-ээр хэлбэлзэж байсан бөгөөд хугацааны турш олон жилийн дунджийн орчим байв. Харин Эрдэнэбулган сум орчимд хоногт 0-20 см-ээр хэлбэлзэж, 10 хоногийн турш олон жилийн дунджаас 5-25 см-ээр ахиу байв.

Хөвсгөлийн уулсаас эх авсан дараах голуудын хувьд:

• Дэлгэрмөрөн голын усны түвшин Мөрөн хот орчимд хоногт 5-80 см-ээр хэлбэлзэж байсан бөгөөд 10 хоногийн турш олон жилийн дунджаас 20-135 см-ээр ахиу байв. 7 дугаар сарын 13-15-ны хооронд үерийн түвшинг 20-55 см-ээр даван хүчтэй үерлэсэн байна.
• Үүр голын усны түвшин Цагаан-Үүр сумын төв орчимд хоногт 5-15 см-ээр өөрчлөгдөж байсан бөгөөд хугацааны турш олон жилийн дунджаас 5-20 см-ээр багага байлаа.
• Бэлтэс гол Баянзүрх сумын төв орчимд усны түвшин 5-105 см-ээр хэлбэлзэж, хугацааны турш олон жилийн дунджаас 5-110 см-ээр ахиу байв. 7 дугаар сарын 12-14-ны хооронд үерийн түвшинг 15-80 см-ээр даван үерлэсэн байна.
• Бүгсий голын усны түвшин Төмөрбулаг сумын төв орчимд хоногт 0-20 см-ээр хэлбэлзэж байсан бөгөөд 10 хоногийн эхээр олон жилийн дунджийн орчим, хугацааны сүүлээр усны түвшин буурч дунджаас 10-15 см-ээр бага болоод байна.
• Шишгэд голын усны түвшин Рэнчинлхүмбэ сум орчимд хоногт 0-90 см-ээр хэлбэлзэж байсан бөгөөд 10 хоногийн эхээр олон жилийн дунджаас 25-35 см-ээр бага, 7 дугаар сарын 3-8-ны хооронд усны түвшин нэмэгдэж дунджаас 5-100 см-ээр ахиу, хугацааны сүүлээр усны түвшин буурч дунджаас 5-25 см-ээр бага болоод байна.

           Томоохон гол мөрнүүдийн сав дагуу нутаглаж байгаа нийт ард иргэдийг болзошгүй ШАР УСНЫ ҮЕРИЙН АЮУЛААС СЭРЭМЖЛҮҮЛЖ БАЙНА.

ХӨВСГӨЛ УЦУОШТ, УС СУДЛАЛЫН ӨРТӨӨ