2023 оны 3 дугаар сарын сүүлчийн арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд хэсгээр 6.1-12.4 градус, бусад нутгаар 1.2-6.0 градус хүйтэн (1 дүгээр зураг) буюу олон жилийн дундажтай харьцуулахад нутгийн төв болон өмнөд хэсгээр олон жилийн дунджаас 1.2-2.1 градусаар дулаан, Рэнчинлхүмбэ, Цагаан-Үүр орчмоор дунджаас 1.2-1.9 градусаар хүйтэн, бусад нутгаар олон жилийн дунджийн орчим байлаа.

Арав хоногийн эхээр нутгийн баруун болон хойд хэсгээр шөнөдөө 20-34 градус, өдөртөө 6-16 градус хүйтэн, бусад нутгаар шөнөдөө 10-22 градус, өдөртөө 1-8 градус хүйтэн байсан бол хугацааны дунд үеэс дулаарч нийт нутгаар шөнөдөө 3-11 градус хүйтэн, өдөртөө 3-16 градус дулаан байв.

Тунадас: 21, 31-нд зарим нутгаар 0.0-6.0мм хур тунадас (2 дугаар зураг) орсон. Орсон тунадасыг олон жилийн дундажтай харьцуулахад Эрдэнэбулган, Цагаан-Үүр сумдын нутгаар дунджаас ахиу, бусад нутгаар дунджаас бага тунадас орсон.

Салхи: 21, 25, 31-нд зарим нутгаар 7-12м/с, үе үе 14-19м/с хүрч  ширүүсэв. Бусад хугацаанд баруунаас 4-9м/с.

Цасан бүрхүүл: 3 дугаар сарын 31-ний байдлаар Цагаан-Үүрт 8 см, нягт нь 0,20гр/см³, Дархадын хотгор болон Ханх, Цэцэрлэг сумдын нутгаар 1-2см цастай, бусад нутгаар цасгүй байна.