2022 оны 6 дугаар сарын дунд арав хоногийн тойм

Температур: Арав хоногийн агаарын дундаж температур нутгийн баруун болон хойд хэсгээр 12.0-16.8 градус, бусад нутгаар 16.9-21.4 градус дулаан (1 дүгээр зураг) буюу Эрдэнэбулган сумын нутгаар дунджийн орчим, бусад нутгаар олон жилийн дунджаас 1.7-4.1 градусаар дулаан байлаа.

Хугацааны эхээр нийт нутгаар халж нутгийн баруун ба хойд хэсгээр шөнөдөө 5-10 градус, өдөртөө 22-27 градус, бусад нутгаар шөнөдөө 9-14 градус, өдөртөө 27-32 градус дулаан байсан бол хугацааны эцсээр нийт нутгаар бага зэрэг сэрүүвтэр  байв. 

Тунадас: 11, 13, 14, 18, 20-нд зарим, 15, 16-нд ихэнх нутгаар 0.0-30.0мм аадар бороо оров. Дуу цахилгаантай. Орсон тунадасыг олон жилийн дундажтай харьцуулахад Рэнчинлхүмбэ, Цэцэрлэг, Цагаан-Уул, Жаргалант, Цагаан-Үүр, Тосонцэнгэл, Рашаант сумдын нутгаар дунджаас бага, бусад нутгаар дунджийн орчим буюу түүнээс ахиу тунадас (2 дугаар зураг) орсон.

Салхи: Ихэнх хугацаанд баруун хойноос 0-14м/с, зарим нутгаар борооны өмнө түр зуур 11-20м/с хүрч ширүүсэв.    

Зуншлагын байдал: 6 дугаар сарын 20-ны байдлаар ихэнх нутгаар зуншлагын байдал сайн, Цэцэрлэг, Хатгал сумдын зарим багийн нутгаар дунд (3 дугаар зураг) байна.