2020 оны 06 дугаар сарын дунд арав хоногийн тойм

2020 оны 6 дугаар сарын дунд арав хоногийн тойм

Температур: Арав хоногийн агаарын дундаж температур нутгийн баруун болон хойд хэсэг Цагаан-Үүр, Эрдэнэбулган, Жаргалант, Шинэ-Идэр сумын нутгаар 10.4-15.3 градус, бусад нутгаар 16.3-21.2  градус дулаан (1 дүгээр зураг) буюу Цэцэрлэг, Арбулаг, Их-Уул, Галт, Төмөрбулаг, Түнэл, Улаан-Уул, Ханх, Цагаан-Уул, Чандмань-Өндөр сумдын нутгаар олон жилийн дунджаас дулаан, бусад нутгаар олон жилийн дунджийн орчим байлаа.

Хугацааны эхээр сэрүүсч шөнөдөө нутгийн баруун ба хойд хэсгээр -4 градус  хүйтнээс 1 градус дулаан, өдөртөө 6-20 градус дулаан бусад нутгаар шөнөдөө 2-7 градус, өдөртөө 14-25 градус дулаан байсан бол 14-өөс нийт нутгаар дулаарч нутгийн баруун ба хойд хэсгээр шөнөдөө 2-7 градус, өдөртөө 20-26 градус, бусад нутгаар шөнөдөө 9-15 градус, өдөртөө 25-33 градус дулаан байлаа.

Тунадас: 11, 16, 17-нд зарим нутгаар 0,0-22,0мм, 14,15-нд зарим нутгаар түр зуурын аадар бороо орж 0,0-1,0мм тунадастай, 18, 19, 20-нд ихэнх нутгаар 0,0-8,1мм дуу цахилгаантай аадар бороо орсон (2 дугаар зураг) ба олон жилийн дундажтай харьцуулахад Тариалан, Хатгал сумдын нутгаар дунджаас ахиу, Эрдэнэбулган, Ренчинлхүмбэ сумдад дунджийн орчим бусад нутгаар дунджаас бага тунадас орсон.

Салхи: Ихэнх хугацаанд 5-13м/с, зарим нутгаар борооны өмнө түр зуур 12-21м/с хүрч ширүүсэв.

Бэлчээрийн ургамлын ургалт 6 дугаар сарын 20-ны байдлаар Улаан-Уул, Цэцэрлэг, Цагаан-Уул, Төмөрбулаг, Тариалан, Чандмань-Өндөр, Эрдэнэбулган, Хатгал, Их-Уул, Жаргалант сумдын нутгаар дунд, бусад нутгаар ургалтын байдал сайн байгаа хэдий ч салхи шуурга ихтэй, хүйтэн байгаагийн улмаас ургалт удааширч (3 дугаар зураг) байна.

МАА-н үйлдвэрлэлд хөөвөр хялгас авах, ноос хяргаж байгаа бол газар тариалан бүхий зарим газраар усалгаа хийх, бордоо цацах, уринш боловсруулах зэрэг ажил хийгдсэн мэдээтэй  байна.