2020 оны 01дүгээр сарын эхний арав хоногийн тойм

2020 оны 01дүгээр сарын эхний арав хоногийн тойм

Температур: Арав хоногийн агаарын дундаж температур Цагаан-Уул, Шинэ-Идэр, Төмөрбулаг, Түнэл, Тосонцэнгэл, Рашаант, Тариалан сумдын нутгаар 16,6-22,9 градус, Цагааннуур, Улаан-Уул, Рэнчинлхүмбэ сумдын нутгаар 29,7-32,2 градус хүйтэн бусад сумдын нутгаар 23,9-28,6 градус хүйтэн /1 дүгээр зураг/ байлаа.

Дархадын хотгороор шөнөдөө 32-40 градус, өдөртөө 25-31 градус, Идэр, Тэс, Бэлтэс, Эг, Үүрийн голуудын хөндийгөөр шөнөдөө 27-37 градус, өдөртөө 18-28 градус, бусад нутгаар шөнөдөө 18-28 градус, өдөртөө 8-24 градус хүйтэн байлаа.

Тунадас: 5-нд Цагаан-Уул, 9-нд Цагаан-нуурт 0.0мм цас оров.

Салхи: Нийт нутгаар 1-11м/с. 9-нд Шинэ-Идэрт түр зуур 13м/с хүрч ширүүсэв.

Цасан бүрхүүл: 2020 оны 01 дүгээр сарын 10-ны байдлаар зудын байдалд үнэлгээ хийхэд Цэцэрлэг, Шинэ-Идэр, Жаргалант, Галт сумдын нутагт цасны нягт 0,11-0,34 г/см³ хатуурсан зузаан цастайн улмаас “цагаан зуд”ын нөхцөл бүрдсэн бол Их-Уул суманд 0,22 г/см³ нягтарч хатуурсан зузаан цастай “цагаанаар зудархуу” мөн эдгээр сумдын нутгаар ажиглалтын талбайд цасны дундаж зузаан 11-18 см байна. Бусад нутгаар ажиглалтын талбайд 2-10 см цасан бүрхүүлтэй, Ханх сумын төвөөр цасгүй /2 дугаар зураг/ байна.