Цаг уурын мэдээ > Хөдөө аж ахуйн цаг уурын тойм

2019 оны 6 дугаар сарын дунд арав хоногийн тойм

Шинэчлэгдсэн: 2019-07-16 10:27:13

Арав хоногийн агаарын дундаж температур нутгийн баруун болон хойд хэсгээр 10,3-15,0 градус, бусад нутгаар 15,1-21,1 градус дулаан /1 дүгээр зураг/ буюу Улаан-Уул, Баянзүрх, Шинэ-Идэр, Жаргалант сумдын нутгаар олон жилийн дунджийн орчим, бусад нутгаар олон жилийн дунджаас 1,1-2,5 градусаар дулаан байлаа.

Нутгийн баруун болон хойд хэсгээр шөнөдөө 2-7 градус, өдөртөө 17-23 градус дулаан, бусад нутгаар шөнөдөө 7-12 градус, өдөртөө 21-26 градус дулаан байв. Хугацааны дунд үеэр нийт нутгаар өдөртөө сэрүүссэн бол 13-нд болон хугацааны эцсээр нийт нутгаар өдөртөө халж 27-32 градус дулаан байв.   

Арав хоногийн дунд үеэр нийт нутгаар 5,0-27,0 мм бороо, эхэн болон эцсээр зарим газраар 0,0-4,0 мм түр зуурын дуу цахилгаантай бороо орсон /2 дугаар зураг/ буюу олон жилийн дундажтай харьцуулбал ихэнх нутгаар дунджаас ахиу, Цагаан-Үүр, Эрдэнэбулган, Тариалан, Рашаант, Их-Уул, Жаргалант, Ханх сумдын нутгаар дунджийн орчим буюу түүнээс  бага орсон.

Салхины дундаж хурд 3-8 м/с, 10 хоногийн эхээр ихэнх нутгаар 12-17 м/с, бусад хугацаандаа зарим нутгаар 12-18 м/с хүрч ширүүссэн.  

Бэлчээрийн ургамлын ургалтын байдал нийт нутгаар сайн, харин Цагаан-Үүр сумын зүүн хэсгээр дунд зэрэг  /3 дугаар зураг/ байна. 

                    

Тойм мэдээ бичсэн инженер Л.Байгалмаа