Цаг уурын мэдээ > Хөдөө аж ахуйн цаг уурын тойм

2019 оны 4 дүгээр сарын дунд арав хоногийн тойм

Шинэчлэгдсэн: 2019-07-16 08:10:02

Арав хоногийн агаарын дундаж температур нутгийн баруун болон хойд хэсгээр 1,8 градус хүйтнээс 3,0 градус дулаан, бусад нутгаар 3,1-7,3 градус дулаан /1 дүгээр зураг/ буюу нийт нутгаар олон жилийн дунджаас 1,4-3,2 градусаар дулаан байлаа.

Нутгийн баруун ба хойд хэсгээр шөнөдөө 5-15 градус хүйтэн, өдөртөө 2-12 градус дулаан, бусад нутгаар шөнөдөө 4 градус дулаанаас 6 градус хүйтэн, өдөртөө 10-20 градус дулаан байлаа.  12, 19-нд нийт нутгаар хүйтрэв.

Энэ арав хоногт Рэнчинлхүмбэ, Цагаан-Үүр орчмоор хур тунадас ороогүй. 12-нд Улаан-Уулд 0,2 мм, 15-нд Цагааннуурт 0,8 мм, 16, 17-нд ихэнх нутгаар 0,0-3,5 мм, 19, 20-нд зарим газраар 0,0-2,0 мм хур тунадас орсон /2 дугаар зураг/ буюу олон жилийн дундажтай харьцуулбал Баянзүрх, Цэцэрлэг, Цагаан-Уул, Мөрөн, Тосонцэнгэл, Түнэл, Жаргалант сумдын нутгаар дунджаас ахиу, бусад нутгаар дунджийн орчим буюу түүнээс бага тунадас орсон.  

Нутгийн өмнөд болон зүүн хэсгээр бэлчээрийн ургамал цухуйсан бусад нутгаар ургамал цухуйлтгүй байна.  

Салхи их төлөв баруун хойноос 6-18 м/с, 12, 15, 16, 19-нд ихэнх, бусад хугацаанд зарим нутгаар үе үе 12-24 м/с хүрч ширүүсэн шороон шуурга шуурав. 

                                      

Тойм мэдээ бичсэн инженер Л.Байгалмаа